Gaek Taruang Asam

Tuo-tuo kaladi makin tuo makin jadi

Babinilah duo tigo

Pangana manambah juo

Maliek gadih nan rancak

Manggarik jakun-jakunnyo

Samantang bapitih banyak

Salero balapeh sajo

Awal kana akhia indak

Isuak badan taniayo

Tiok kampuang ado anak

Tapi ndak tapaliharo

Nyampang elok nasib anak

Mandandam kabakeh kito

Gaek-gaek taruang asam

Makin gaek makin tajam

Umua lah kapalo anam

Lah dakek pintu kuburan

Bato baiklah pado Tuhan

Kok mati jan panasaran

Isi dunia batampuangkan

Itukan barang pinjaman

Awal kana akhia indak

Isuak badan taniayo

Tiok kampuang ado anak

Tapi ndak tapaliharo

Nyampang elok nasib anak

Mandandam kabakeh kito

Gaek-gaek taruang asam

Makin gaek makin tajam

Umua lah kapalo anam

Lah dakek pintu kuburan

Bato baiklah pado Tuhan

Kok mati jan panasaran

Isi dunia batampuangkan

Itukan barang pinjaman