Glasgow Peggy

Glasgow Peggy - Ewan MacColl/Peggy Seeger

Highland lads are brisk and braw

Highland lads are young and merry

And I'll awa' tae Glesca toon

To steal awa' my bonny Peggy

Her faither he's got word o' this

And o but he was wondrous angry

Ye can tak' my owsen and a' my kye

But leave to me my bonnie lassie

Ye can keel your owsen and a' your kye

For I hae cows and ewes already

I'll no' tak' your owsen and a' your kye

But I'll steal awa' your bonnie Peggy

He's mounted up on his milk white steed

And she is on his wee grey naigie

And they hae rid to the break o' day

He's ta'en awa' the bonnie lassie

They rid ower hills and they rid ower dales

They rid through moors and mountains monie

Until they met wi' the Earl o' Hume

Ridin' wi' his young son Johnnie

Then oot and spak' the Earl o' Hume

And o but he was wondrous sorry

The bonniest lass in Glesca toon

And she's awa' wi' a Highland Johnnie

They rid ower hills and they rid ower dales

They rid through moors and mossen monie

Until they cam' to yonder glen

And she's lain doon wi' her Highland laddie

Her bed was o' the gay green turf

Her blankets o' the brackens bonnie

Wi' her tartan plaid beneath her heid

And she's lain doon wi' her Highland laddie

There are blankets and sheets in my faither's hoose

There are sheets and blankets a' made ready

And wouldna he be angry at me

For lying doon wi' a Highland laddie

He's ta'en her up yon high high hill

When that the sun was shining clearly

Says A' that ye see belongs to tee

For lying doon wi' a Highland laddie

A' that ye hae left behind

Was a wee cot-hoose and a wee kail-yairdie

But now ye'e the heir o' a' my lands

For lying doon wi' a Highland laddie