Sarambuik Di Balah Tujuah

Sarambuik Di Balah Tujuah - Ramon Asben

Sarambuik kini diak oi

Iyo di balah tujuah

Denai kini ko indak iyo picayo lai

Jikok lai lah bana

Adiak bakato sungguah

Buliahlah di muluik diak

Iyo lain di hati

Adiak bamuluik manih

Yo bamurah kucindan

Tapi di dalam hati

Paiknyo bak ampadu

Kok dilaia adiak janji adiak iyokan

Nyato di dalam hati tajamnyo bak sambilu

Adiak serakkan manisan di bibia

Jo galak manih nan batangguli

Janji bak cando yo aia hilia

Ciek pun haram adiak tapati

Denai ki arok alang-kapalang

Raso ka iyo lah kasadonyo

Kiniko jaleh den mabuak surang

Angin sarugo malah kironyo

Kiniko janji kito tinggalah nan jo janji

Walau sarambuik kini ito di balah tujuah

Denai kiniko indak iyo picayo lai

Walaupun adiak mohon

Sambah sarato simpuah

Adiak serakkan manisan di bibia

Jo galak manih nan batangguli

Janji bak cando yo aia hilia

Ciek pun haram adiak tapati

Denai ki arok alang-kapalang

Raso ka iyo lah kasadonyo

Kiniko jaleh den mabuak surang

Angin sarugo malah kironyo

Kiniko janji kito tinggalah nan jo janji

Walau sarambuik kini ito di balah tujuah

Denai kiniko indak iyo picayo lai

Walaupun adiak mohon

Sambah sarato simpuah