ฟังเพลงPalästinalied

Palästinalied - Arany Zoltán

Lyrics by：Anonymus

Composed by：Anonymus

Nû alrêst lebe ich mir werde

Sît mîn sündic ouge siht

Daz hêre lant und och die erde

Dem man so vil der êren giht

Mirst geschehen des ich ie bat

Ich bin komen an die stat

Dâ got menschlîchen trat

Schœne lant rîch unde hêre

Swaz ich der noch hân gesehen

Sô bist dûz ir aller êre

Waz ist wunders hie geschehen

Daz ein maget ein kint gebar

Hêre uber aller engel schar

Was daz niht ein wunder gar

Hie liez er sich reine toufen

Daz der mensche reine sî

Dô liez er sich hie verkoufen

Daz wir eigen wurden vrî

Anders wæren wir verlorn

Wol dir sper cruze unde dorn

Wê dir heiden daz ist dir zorn