ฟังเพลงMalafemmena

Malafemmena - Roberto Murolo

Written by：In Research

Si avisse fatto a 'n'ato

Chello ch'hê fatto a mme

'St'ommo t'avesse acciso

E vuò sapè pecché

Pecché 'ncopp'a 'sta terra

Ffemmene comm'a tte

Nun ce hann''a stà pe''n'ommo

Onesto comm'a mme

Femmena

Tu sì 'na malafemmena

Chist'uocchie hê fatto chiagnere

Llacreme 'e 'nfamità

Femmena

Sì tu peggio 'e 'na vipera

Mm'hê 'ntussecato ll'anema

Nun pozzo cchiù campà

Femmena

Sì doce comm'ô zzuccaro

Però 'sta faccia d'angelo

Te serve pe''ngannà

Femmena

Tu sì 'a cchiù bella femmena

Te voglio bbene e t'odio

Nun te pozzo scurdà

Te voglio ancora bbene

Ma tu nun saje pecché

Pecché ll'unico ammore

Sì stata tu pe' mme

E tu pe''nu capriccio

Tutto hê distrutto oje nè

Ma ddio nun t''o pperdona

Chello ch'hê fatto a mme

Femmena

Tu sì 'na malafemmena

Chist'uocchie hê fatto chiagnere

Llacreme 'e 'nfamità

Femmena

Tu sì 'a cchiù bella femmena

Te voglio bbene e t'odio

Nun te pozzo scurdà