ฟังเพลง11 HK Rap Up (Masta Edit)

11 HK Rap Up

唔使焦急

Rap Up唔会消失

2010 去到 2011

实　唔少得　一年一度嘅11Rap Up

幽你一默嘅rap up梗系有乜rap乜

个个都话有相有真相

想知真相你要问潘霜霜

因为霜霜影嘅相　张张有峰峰个样

原来揸张相上C1易如反掌

关机　再开机　换咗用手机

佢话　唔怕死　玩家　玩得起

求期　唔理　Nel Nel　都玩爆你

冠希　就咁玩死自己

每年出道嘅?模多不胜数

出写真个真我想问真系边度

系不倒胸部定不老歳数

要买你本J图

不如睇惠比寿麝香葡萄

最叻咏春嘅人系叶问

再叻功夫嘅人都只系凡人

试问凡人点斗得过天神

仲要系齐天大圣加个二郎神君

咏琪同文尉都嫁外国男友

剩女有救原来剩女仲有巿场需求

有人欢喜就有人愁

有人牵手白头

有人婚姻到尽头

柏芝同霆锋终于分手

俾人不停追究理由

只怪太多花生友

山聪同柏豪爱Rick Owen上身

两个又争女人又争做潮人

山聪系聪明人识离婚争超云

争到超云　直头买得起Rick Owen成个人

男嘅爱超云

女嘅爱超人

洛施唔爱潮人独爱李超人

可惜灰姑娘都有梦醒时份

母凭子贵换嚟一生富贵逼人

3D玉蒲团关键系雷神露点

点知露点变老点

敷衍用替身两点

再加把阿伯声　我问你想点

欺骗我嘅导演　誓要你还我两点

Jessica C无份攞政府6000蚊

所以贪心个600蚊结果官非缠身

我强烈遣责出售嘅佢淫片嘅?个人

呢啲片梗系开心share先过瘾

Swing以音乐做使命

我在此衷心向你哋两位致敬

鬼马双星出名绰头劲

而家得返单丁

Rest in peace许冠英

唔讲唔知学生王子

邓光荣都系民主烈士

64个时佢帮过300个民运人士

我代表自由愿你R.I.P.

王维基挖角点解唔挖林峰

唔通佢嫌亚太区峰峰得chok样无用

铤铿系少女嘅白马王子

点知竟然系疑似白花油王子

思琦狠撇泳濠迎有钱跳水新欢

点知新欢只系个无水空心老倌　”跳水声”

千千?daddy系刘家昌老师

一次又一次老套当新意

就算个仔被耻笑佢当无事

我想他的字典里也没有放弃

婉曼话do你其实系讲点你

咁我都想讲　婉曼我想点你

何家一家分身家

何家一家不成家

何家身家系何价

齐整一家系无价

我痛心日本大地震

但系我有疑问

人系咪天灾发生最大成因

有人懒有学识

笑师奶盲抢盐无常识

佢哋抢盐目的　纯粹系对屋企人爱惜

香港好多苹果迷

不过佢哋唔系迷苹果批

系迷乔布斯出品嘅一切

因为每次新机出世　”apple for life”

班炒家就有钱洗

香港同内地孕妇争床位

迟啲唔兴北上消费　兴北上生仔

多得内地嘅大头奶粉害死人

而家唔兴炒黄金个个爱炒奶粉

我对菲佣无歧视

为头家我知　离乡别井唔容易

但对于外佣居港我唔能够支持

唔系自私　而系希望对香港嘅巿民公平啲

想我都好想好似印度阿星

有嘢唔驶做户口都会多咗七个零

国泰嘅机师唔使拍冲上云霄

唔使买机票空姐都同佢吹上云箫

一句擅改土地用途封杀hidden agenda

原来政府咁样去发展本土艺术文化

菲律宾总统谂住走数

有错唔认数一句道歉都无

死都唔认错嘅态度令港人愤怒

我哋唔会停下追讨公道嘅脚步

美国要用十年先捉到拉登

如果中国公安出手肯定一年就拉到人

公安个个身怀特异功能

你睇下连蝙蝠侠都俾佢打镬金

高鐡乘客结果无人到步

全世界目睹鐡路你当宝人命你当系草

政府实施最低工资谂住帮工人

无最低工时措施帮人变害人

老细对工人福利永远唔关心

打工仔系永远嘅受害人

江泽民做铁金刚die another day

王征今次真系要择日再死

涂鸦少女嘅谁害怕艾未未

曾sir下令全城警察高度戒备

你系怕艾未未定怕自由未死

你严打涂鸦定打压言论风气

林公公要阻止公投运动

无资讯公众　系咪惊无人认同

堵塞漏洞定剥夺投票活动

林公公系谋杀民主嘅帮凶

自欺欺人嘅领导人　巿民至憎

落区视察民情　永远见唔到巿民

著64Tee嘅通缉犯埋唔到身

黑影缠身只手摄住系镜头附近

去港大校庆学生被禁

小心唔俾领导人见到游行

记者新闻自由变成自由行

领导人点会亲民

你估李克强系李克勤

泛民政治明星唔系选票保证

阿爷命令一屋七姓用种票方式取胜

财政预算惹民愤

入面无关心基层

巿民百上加斤

烟税加十一蚊

咪谂住派6000蚊可以得民心

取之于民嘅储备你充其量还富于民

㓥房无阳光

穷人无人帮

㓥房呎价贵过乜乜山庄

哈　呢个咪就系香港

十年后我想做导演

拍套电影由唐英年领衔主演

叫那些年　我们都插过的唐英年

肯定攞最佳导演兼赚大钱

剧情讲有日唐唐撘long ping 360

部缆车突然停

吊系半空条条fing

于是佢call工程部呀家明

闹佢刚愎自用　抵佢做唔到李家诚

80后家明听完梗系好兴

本住车毁人亡嘅心情送佢一程

成部360跌落绝岭

佢大叫一声the city is dying

多谢你哋支持The New Hope Mixtape

今年新专辑我会更俾心机

希望流行反击战带俾你惊喜

Hip Hop梦未死

马米唔会放弃