细汉时的海

细汉时的海 - 甘苦人乐团

词：林志立

曲：林志立

天 渐渐光

月娘 愈来愈远

海涌 规暝无睏

我阁转来恒春

目睭 渐渐酸

海涌取走你的青春

我 规暝无睏

目屎拢对腹内吞

天 渐渐光

渔船 愈来愈远

海风 规暝无睏

伊的名欲佗问

目睭 渐渐酸

妳敢是犹原想阮

我 规暝无睏

转去的路遐尔远

想起细汉的时阵

有妳取我去看海边的黄昏

妳的背影 遐迩生份

妳的名我嘛念袂顺

看妳一摆阁一摆的离开阮

亲像海涌一直拍伫我身躯

海水的苦我毋敢吞

心肝是比啥阁卡酸

是我讨债我的灵魂

予妳一直等待袂好睏

是海岸的黄昏

出帆的渔船

原谅我

袂閤转去恒春

天 犹原光

路 愈行愈远

想起妳的温柔

我阁转来恒春

目睭 不再酸

行过咱的家门

无看着熟似的面样

只賰都市来的孤船

漂流伫海顶的船

妳想着离开的时阵

目屎袂赴吞

妳讲妳会思念阮

我一摆阁一摆的离开渔村

妳也一直像海涌守伫遐无睏

转去的路比渔船驶卡远

无勇气阁吞一摆苦酸

是我讨债我的灵魂

一直伫都市骗家己拢袂怨恨

伫这看无黄昏

毋免海水的渔船

海涌啊

莫阁离开阮

莫阁离开阮