12 HK Rap Up (Radio Edit) Lyrics
12 HK Rap Up (Radio Edit)
又话今年系世界末日
20121221有惊无险俾我符碌过骨
几惊今年我无命做Rap Up
好彩仲有命Rap得睇吓今年又会Rap乜
免费电视牌照政府就系唔俾
维基解密都解唔开维基点维皮
一品花雕鸡食完有片睇
最咀刁嘅老细有片都唔肯放出嚟
低俗喜剧本年度港产片奇葩
港人爱爆粗我就爱爆炸糖DADA
刘公子著Givenchy去打官司
佢话佢影相系影意念 唔系影body
明哥演唱会头顶阳具帽
脚踏红馆出柜认我系基佬
出柜何韵诗佢系劳斯
咁边个系痴情司嘅莱斯
师兄今年情场事业两得意
恭喜脏话阿七上榜又追到祖儿
一班中女加两件人生教练
系盛女爱作战定系盛女爱作贱
红遍全球有PSY OPPA 江南Style
听过不如听吓我嘅 RAPPA 艰难Style
亚视系最具娱乐性电视频道
王征系政总骑呢跳骑呢骑马舞
大陆台庆 show 得一两成观众系度
唔上洗脑堂 艺员即炒就无得捞
赵世曾为爱女用5亿招婿
如果唔介意赵生不妨考虑吓我马米
Lady GaGa 又名 呢啲飞加价
3万一张飞炒到天价贵过豪宅尺价
YY Show今年系乐坛盛事
靓人靓衫靓歌个个乐坛VIP
向西村上春树本一路向西
由网络红到大银幕 文字变立体
儿歌天后purple太离谱
工人床系马桶上面太唔人道
龙心人网公然非礼仙乐都
成条video喺度今舖你扮傻都甩唔到
香港一人一票选港姐已经有
唉 唔知几时有一人一票选特首
今年重组嘅Shine经典系祖与占
当年我听Shine都只系半成年
罗慧娟抗癌斗士Rest In peace
张达明祝你嘅病尽快成功医治
唔俾港人影相国际大牌 D&G
北京孔庆东教授话港人DOG
蝗虫内地炒家自由行
商场地铁遍地黄金
内地人抢奶粉双非孕妇横行
上水变水货中心香港市民百上加斤
但歧视唔应该系香港发生
记住中国人永远不打中国人
刘翔一跨即仆缘尽奥运
昔日嘅芵雄今日惨变罪人
李慧诗伦奥嘅零的突破
证明屋邨长大努力一样有好成果
学民黄之锋大战国民小先锋
12万身穿黑衫市民占领政总
特首要龙定系要猪
东方之珠要赢龙猪就一定要输
唐唐话男人要有膊头有腰骨
感情缺失课外活动被爆私生子秘密
消失的密室要老婆出面承担过失
我话唐唐你有条消失的腰骨
梁振英你呃人你无品
你参选时讲过僭健你无份
最后发现6处僭建你讲到自己无责任
僭建封咗就系唔存在个答案够创新
南丫十一海难39人死惨绝人寰
国庆烟花嘅慛灿照亮唔到人间
立法会选举建制派大胜
全靠佢哋配票绝顶精密准绳
镛记争产 郭家争产
我估佢哋阿爸知道肯定死咗都激番生
今年篮球界有句名言
就系平生不识Jeremy Lin纵识Jolin也枉然
李旺阳 坐21年政治监
慨叹佢话砍头也不回头 结果一语成签
人民力量拉布拉足10几日
结果主席剪布宣布拉布完毕
香港胶灾中石化胶粒意外跌落海
好彩市民自发团结起来清理胶灾
以前食毒品啪针先会死人
以家医学美容都会死人真系奇闻
DBC因股东争执惨被封杀
大班话事实上政治打压
而家DBC延伸至D100
继续监察政府批评不公平政策
贪心许仕仁贪心害市民
但最贪心嘅官员竟然系姓曾
贪心嘅贪曾越贪越深
被踢爆嘅贪曾最后要喊住离任 (抵死)
麦齐光做局长12日被人拉咗
呃租金津贴都系贪心惹的祸
陈茂波绰号挨闹的波儿
经营㓥房嘅醉驾局长最可耻
㓥房局长一做错事学佢波士
出事系老婆公司事件事唔关自己事
林奋强佢又涉嫌偷步卖楼
衰咗佢又揾佢老婆出头
究竟呢个政府系以边个为首
点解所有人出事都要太太认头 (点解呢)
七年磨一剑 我终于推出专辑
流行反击战 唔听保证系你消息
记实2013年3月30
我哋7年嘅梦呢一曰变成现实