พ่อเกือบตาย Lyrics
พ่อเกือบตาย - สมาน หงษา
Written by：สมาน หงษา
คนเราผิดพลาดได้หนา
คนเราผิดพลาดได้หนา
ทุกคนเกิดมาในโลกนี้
บัณฑิตที่ว่ารู้ดี
ผิดพลาดก็มีกันมากมาย
ท่านนักปราชญ์ทั้งหลาย
ความรู้มากมายยังเสียท่า
โธ่เอ๋ยคนธรรมดา
บ้านนอกบ้านนา
จะว่าอย่างไร
คนจังไรคือหมอนี้
ความฮู้บ่มีแต่แถมดื้อจักหน่อย
จักหน่อย จักหน่อย
เป็นคนถ่อยกะว่าได้
จังไรนั้นกะผัดสิว่าเกิน
จิตใจเพลินแต่นำเหล้า
นำกินเอาทุกท่า
เรื่องสุรานั้นบ่ให้เว้า
กินเหล้าส่ำฮ่ายหนู
เมียนั้นเอยู่แต่บ้าน
ขี้คร้านเก่งบ่เคยเห็น
เรื่องนอนเวนนั้นเกินเขา
เวียกงานกะปานนั้น
เวียกเวียกงานพอปานนั้น
ซื่ออีผันดาวยั่ว
ผัวเธอชื่อทิดด่อง
ลูกสองคน
อ้ายน้องกำลังดื้อดั่งพ่อมัน
ลูกโตโหญ่ว่านั้น
อายุระหว่างหกปี
ผู้น้องตี้ยังคานม
แม่สิงแลงเซ้า
แม่นั้นเอาแต่ใจน้อง
แนวยังบ่ทันใหญ่
มีเวียกหยังใช้แต่อ้าย
ตายแล้วบ่ได้เซา
ลุกกะลุกแต่เซ้า
แม่ใซ้แล่นอยู่เป็นกง
จักขึ้นเฮือนลงเฮือน
แล่นซำพอปานม้า
ตามประสาเด็กน้อย
เกิดซิงซังน้องบักใหญ่
เกิดซิงซังน้องบักใหญ่
เคียดในใจอยู่สู่มื้อ
น้ำตาย้อยถืกแม่ตี
แนวเด็กน้อยส่ำนี้
ฮู้เท่าบ่เถิงการณ์
เกิดบันดาลโทสา
บาดค่ำมาแม่นอนแล้ว
นอนเฮียงกันกับน้อง
เสียงกรนอยู่ฟี่ฟี่
เสียงกรนกะนออยู่ฟี่ฟี่
คั้วได้ยาพอดี
แนวว่าพ่อบ่เมี้ยน
วางถิ่มไว้ซะซาย
ยาฉีดผักชนิดร้าย
เอาไว้บ่อนบ่เหมาะสม
เธอเอามาทาหัวนม
แม่ทั้งสองเบื้อง
บ่ได้เคืองหยังแหล่ว
แนวเป็นเจ้าเด็กอ่อน
แนวเป็นกะนอเจ้าเด็กอ่อน
กะน้องนอนตื่นขึ้น
มันต้องดูดแท้แท้
ทาแล้วกะเหล่าหนี
ไปหานอนหลบลี้
ซอมเบิ่งอยู่แจฝา
บุญผลาสมภาร
โลดบ่เถิงนอละแม่นคราวน้อง
ทิดด่องมาแต่ในบ้าน
ซั่นตั๋วนอผู้เป็นพ่อ
กินเหล้าพอซึมซึม
ซึมซึมประจำมื้อบ่ขาดสาย
บ่ฮู้ดีฮู้ฮ้าย
ย่างเล็งเข้าไปหา
เดิ๊กมาพอสมควร
ด่วนสิทำการบ้าน
จักบันดาลหยังแหล่ว
เธอแซวมาฮอดบ่อน
พ่อโลดมาดูดก่อน
น้องบ่ทันตื่นซ้ำ
เต็มที่แล้วจังเซา
จังว่าเหม็นคือเหล้า
คือหยังนอกะบ่แม่น
บ่พอคราวโลดตาเหลือก
แม้นแม้น แม้นแม้น แม้นแม้น
ฮากไหลฟ้งกะละแม่นทั่วเฮือน
นั้นละนาคนเฮานี้น่า
ละนากะคนเฮานี้น่า
คนแตกมาเต็มเฮือนวื่นวื่น
แห่นเขียวคืน เอาไปล้างท้อง
พวกพี่น้องเทิงลุงเทิงป้า
ถ้ามาซ้าต้องตายหมอเว้า
เมียของเขามานำอยู่บ่
หมอกะส่อถามเมียจ้ำจี้
มื้อวานนี้กินหยังแน่เจ้า
เมียเลยเว้า
บ่กินหยังทั้งนั้น
มันมาดูดนมฉันท่อนั้นล่ะจ๊ะ
ดูดไปดูดมา โลดหงายตึ้ง
โลดหงายตึ้ง