13 HK Rap Up (Masta Edit)

13 HK Rap Up (Masta Edit)

又到一年一度今日 大家等得好心急

记住有马米就有Rap Up

一年一rap up呢个美德唔会消失

今年嘅rap up听完帮手share得唔得

一讲刘江点可以唔讲呢啲

呢句绝对系本年度金句就系人都知

老表你好嘢捧红咗细细粒

既然细细粒都得 肥B你都一定得

香港无BIG BANG但系有港版G-DRAGON

踩唔死嘅曱甴扮权志龙结果似龙心

张家辉爆肌拍激战搞到港男争住练人鱼线

杜汶泽为拍戏要操肌同AV女优激战

如果要同女友表达爱意

学林峰讲好爱好爱好爱好爱好爱好爱好爱BB

陈山聪惨失豪门入场卷

四失烈士失业失形象失财失恋

霆锋今年桃花真系多到你唔信

呢头传完Janice Man?头又传佢同周迅

城城同熊黛林分手

苟云慧叶熙琪边个攻城得手

广告都话天机不可泄漏

汪圆圆豪嫁俾蔡加赞

成功需苦干洞房辛苦干一晚

可恶陈豪搞掂我女神陈茵㜫

鬼唔望日日饮咖啡饮到你便秘

Sammi同许志安终于将爱情圆满

呢个时候梗系最啱听番首天生一半

王菲李亚鹏始终有缘无份

我谂王菲以后要改唱容易离婚的女人

白韵琹自爆有名无份唔算夫妻咁济

肯定因为佢老公忙住做佢嘅西环契仔

迷幻超盈神情迷茫系铜锣湾仆亲

因住激亲父亲何鸿燊家产无得分

刘家良师傅过身武术界失去一名一代宗师

代所有嘅乐迷愿陈僖仪Rest In Peace

粤剧名伶红线女离世

遗下太多粤剧经典流传后世

GEM唔支持游戏制度都仲叫了解

但佢唔明梁振英点解要下台令人费解

7.1. 维稳show揾Mr Rubberband唱歌

下年下如请朱主席唱从不喜欢孤单一个

李纯恩弹词人唔识中文乐坛已死

我话你广东话末讲正做主持粤语已死

变形金刚都俾人收陀地

我都话古惑仔先系地上最强人间凶器

讲电影一定要讲狂舞派呢套杰作

多谢你哋将香港嘅Hip Hop带到大银幕

Juno首次执导嘅彊尸成绩一流

我哋支持Juno永远退居幕后

DaDa赢金像奖话有情绪病退出

潜水三个月又开记者会话复出

冲上云霄俾我梗系拣做Cool魔

因为可以食女食完一个接一个

王浩信挨23巴 多咗兜巴信呢个花名

真人show求爱大作战 入面嘅绿魔最正

民选港姐陈凯琳促特首听民意

王子华视帝田蕊妮视后系民意展示

TVB如果唔想大家熄电视机

我提意现场直播叻哥系将军澳跪返屋企

May姐有请请你食鸡汁总之鸡汁都唔少得

哈哈哈哈 有无人知May姐笑乜

TVB封杀壹传媒系无限期

嗱TVB呢啲咪叫做霸气

政府无正视民意无视香港电视

一句三拣二就唔发牌俾HKTV

封杀港视因素系一篮子

12万人到政总抗议 一名中国籍男子

迟嚟先上岸无线成功注册台徽

但系HKTV早过人申请迟迟唔批

拒绝发牌原因 细节不提

话行会保密原则 所以唔可以破例

以为维基会放弃搞免费电视

转头佢收购中国移动流动电视子公司

无咗免费电视索性搞流动电视

电视新历史今年7月1日开始

14巴港女掴到条仔跪低

为香港女士争光 将港女威名扬威国际

潮苑牛丸冇牛肉一样咁好味

所以海天堂龟苓膏无龟有咩咁出奇

好哋哋囍帖街改名做囍欢里

谂?个我想请你食包卤味牛欢喜

尖沙咀巨型 吹气 橡皮 黄鸭

启发西九九唔搭八整吹气屎同曱甴

Gary考获9A状元成绩

为梦想揸巴士佢宁愿放弃高薪厚职

北河烧腊饭店系穷人爱心饭堂

老板明哥用派饭为穷人送上希望

牛下女车神李慧诗成绩骄人

旧年伦奥夺金今年世锦赛首夺世界冠军

九龙城拐婴案 原来妈妈先系真凶

忤逆仔扮孝顺谋杀双亲 真相掲盅

埃及热气球爆炸9名港人丧生

估唔到开心嘅旅行会遇上不幸

特首笑口噬噬对住阿基诺三世

疑似同意放低人质事件特首系吴三桂

三年嚟菲律宾道歉赔偿只字不提

我哋发誓香港人会将公道追讨到底

中港矛盾因各式纷争日益加深

要奶粉无奶粉 香港BB无奶饮

港童想有学位读书排队前要拜神

无歧视新移民但综援系属于香港永久居民

离谱嘅终审 本土福利被瓜分

双非同一签多行系一切嘅起因

家是香港但而家兴移民

家是香港呢句净系啱新移民

终审法院裁定变性人可结婚

希望有一日社会会接纳同性婚姻

Uncle标养咗只叫Tommy嘅野猪仔

我都养咗只叫Tommy嘅小强爱搏出位

顺天邨猫猫被四名人渣杀害

最后判决监禁16个月系应有制裁

美国间谍斯诺登系香港现身

踢爆美国大规模监控全球网民私隐

陈振聪被判监12年衰到贴地

又话系风水师睇到人但系 睇唔到自己

港鐡爆电缆将军澳线瘫痪半日

为表歉意全港乘客应该免车资三日

港鐡车长一路揸车一路挫指甲

唔知以为车长佢秘捞系做修甲

好彩港鐡有品味识揾我拍广告

所以全面提升乘客嘅礼让指数

政府首设官方贫穷线

咁好清楚香港有几多人输系起跑缐

假嘅1千蚊有8成像真我无担心

因为我穷到全身加埋都冇1千蚊

政府出双辣招话抑压楼价

但点解啲穷人恩物仲系几百万标价

财爷饮咖睇法国电影自称中产

我想请月入37万嘅你食杏仁加个橙

国际大牌LV小器过方丈

发型店用啡色格仔皮话要告人要赔偿

李嘉诚盛传卖百佳系为撤资走路

我唔信你去第二度仲有皇帝你做

40日嘅码头工潮工人大罢工

97年之后工人无加过人工

老细老冯工人奉旨连续做24个钟

点解劳工及福利局长张建宗会失踪

李思嫣反占中成立正义联盟

明明成班牛鬼蛇神系邪恶轴心

爱国女神又点少得陈净心

佢一出声系人都想㩒佢静音

林慧思老师一时失言都系为咗公道

道歉声明后仍然惨遭爱字头欺凌煎熬

广播处长邓忍光对港台辣手整治

你同我讲背后无政治目的你当我弱智

前廉政专员汤显明用公帑开餐

难怪送牛腩鱼蛋佢都视作等闲

张震远因商交所被调查辞职走人

麦齐光呃租金津贴判缓刑算你好运

陈荗波同太太嘅家人玩囤地上新闻

丑闻冇人要处分 系咪有人包庇属下恶行

今年最hit系只叫路姆西嘅宜家公仔

下次一齐睇长毛丢梁振芵路姆西

刘梦熊系周刊爆梁振英大获

为大家揭开兔死狗烹嘅黑幕

政改咨询系鸟笼不断兜圈

有筛选嘅普选 即系阿爷选无我选

特首落区聴民意支持者金毛讲粗口

加个丢水樽小朋友 唔通黑势力插手

我谂我都系要收番呢番言论

费事佢又用私人名义向我发律师信

不过平心而论起码证明为咗HKrap Up

我真系可以去到好尽

2013我推出流行反击战

得到各方支持同推荐感激无言

我会坚持信念 继续散播Hip Hop理念

新嘅mixtape同专辑好快同你哋见面