09 HK Rap Up 歌詞
Producer: Big ammy
Director: Logo &MastaMic
Editor: Pat
Yes you know we did it again
多謝舊年支持08 Rap Up
所以09 Rap Up 自然唔少得
睇下今年有乜新聞可以俾我Rap 得
放心我唔系特首呢只歌唔會狗噏
一向藝人都被稱爲虛僞嘅人
睇下阿蕉同Kelvin 呢對禁毒嘉賓
一次日本旅行Kelvin 化身毒品代言人
阿蕉就無啦啦暴露咗特工身份
又一次證明唔好咁易信人
偶像表面好人純屬形像方便搵銀
你邊會估到灑井法子都會染上毒癮
你又估下d 偶像鐘意去邊到結婚
以前以爲賭錢先去拉斯維加斯
今日先知嗰邊仲興幫明星搞婚事
但人地結婚又關你哋乜事
預先通知唔通你要封大封d 嘅人情利是
個個0 靚妹都話我要做model
但擔心身高唔夠高做唔到名模
唔使怕normal 只要肯裸露
學rainbow 攝鉢仔糕
再學秀娜滴牙膏系胸部
食住雪糕加個愛的抱抱
保證警鐘胸都可以升呢做名模
金牌大風前排刮完大風
我諗d 歌手都要改下口風
以前個個上臺爭住講多謝paco
而家全部都要改口講多謝Ronald
全樂壇得Theresa 值得我去尊重
因爲得佢同我呢個rapper 一樣食緊谷種
Stephy 學人出書結果出事
一本書竟然有百幾個錯字
我諗佢唔系TVB 嘅fans
因爲肯定佢無睇過最緊要正字
唔講唔知原來曹格咁抽得
不過田田仲勁一早就練成人帽合一
唔怪得頂帽好似癡實頭頂俾人點打打極都唔甩
Amigo 散打大戰中巴
首先唔八掛邊個真邊個假
啊媽話呢d 女人又叫做邪花
孔子都話小人與女人難養也
祥仔無攻心計梟雄攞到視帝
唔使問你都知視後系邊位
未諗過配角人氣都可以咁勁
今年邊個未聽過記住我嗰名Laughing 哥
08 安琪喜帖街嬴咗幾條街
09 啲緋聞一樣唱足幾條街
老公仲諗住露紋身嚟表態
都系嗰句綠帽戴得快除得快
林峯攞亞太區男歌手獎你可能偷笑
都系學高登仔嗰句認真你就輸了
不如問問古仔今期有咩流行
當然系省節能輪胎能
再加澳門崔特首嘅笨能
咁驚能嘅普通話
我會俾爆燈10 個珍
King of pop Michael Jackson
斷斷續續十幾年嘅醜聞
戀童整容不停被事非炮轟雖然過身
但你始終繫世人嘅流行之神
以前無錢啲o 靚仔最多打人荷包
而家o 靚妹寧願自力更生去做援交
老師你點教家長你點鬧
搞到佢哋價值觀徹底混淆
人生在世誰能無過
正生嘅學生決心知錯改過
我唔信梅窩無人試過行差踏錯
奈可香港自私嘅人實在太多
明明40 幾層都可以叫88 樓
以後有人問我身高我答有1 米89
甘乃威識女仔都搞到咁大劑
追唔到女仔仲要搞到一身蟻
乃威哥奶咗劑咁溼滯呢混仲唔使改名做甘奶西
有d 老公衰極都系走去搵女打洞
不過豬豬振聰就零舍唔同
原來同女挖風水洞都可以係一種浪漫嘅偷情活動
公開旺角裝天眼捉漒水狂徒
我係狂徒聽到都唔會再去嗰度
我諗d 高官智商真系低到接近無腦
狂徒捉唔到求其捉兩個冒牌基佬
高錕光纖成就諾貝爾
再珍貴榮譽都比不上高太嘅情義
禽只話會有禽流惑
豬隻又話會有豬流感
食得嘅動物身上都話會有菌
連免疫針都話會打死人
臺灣風災再到海地地震
天災人禍太多不幸新聞
唔通真系徵兆嚟緊2012 即將系未日嘅來臨
保皇黨實在太猖狂
市民有意見就你有你講
強行撥款高鐵政策擺明系偏幫
你叫我仲點對特區政府存有希望
特首Donald 予意系當奴
印證年初求籤話香港有妖魔當道
幾時你先肯交出普選路線圖
香港人唔會再俾你嘅大話擺佈
上臺時又話做好呢份工
呢份工你就做到好似發緊夢
政策對人民無用
最後再嚟個利益輸送
繼董特首後另一個正宗老懵董
大言不慚斗膽叫市民買慳電膽
買慳電膽之前想先見你賣鹹鴨蛋
以上系我對你嘅少少意見
但我同你亦有唯一嘅共同點
呢點就係我嘅意見就係代表香港人整體嘅意見
09 太多小人太多是是非非
太多嘅困難令我差d 想放棄
2010 MastaMic 終於要起飛
做好準備
迎接我嘅The New Hope Mixtape