驚變 歌詞
驚變 - 蔣文端/林家寶
錢玉蓮唱：冷冷清清 悶沉沉
旦夕掛念離 人
每逢望遠高飛雁
玉蓮定要痴問
是否夫君報佳音啊
最愛倚窗在樓頭
遠望天際浮雲
雲莫遠飄遁替奴送音問
萬種相思寄十朋
孤衿冷 點點淚痕
茶飯不思 強嚥吞
後母不該貪金勢利心
苦累婆婆也遭厄困咿
承愛荊釵念前盟
百難千劫亦強忍
願熬盡了黑夜
迎面見朝陽
樂鼓喧天接歸人
冬梅：老夫人
錢玉蓮：婆婆
冬梅：老夫人
錢玉蓮：婆婆 你點啊
冬梅：老夫人佢一定系又餓暈過去啦
錢玉蓮：婆婆 你又冇食早飯
冬梅：鍋裡明明有
夫人佢就係唔畁
錢玉蓮：冬梅你快些去買啲點心返嚟
王母：不必啦 我唔餓
姚氏：你去邊度
錢就行：送飯畁親家
姚氏：你以為佢真系狀元老母啊
佢只不過系一隻寄居蟹
接唱：非我認沙塵
又名巴閉精明
慧眼一雙
識得寶還系草
嗰一啊個王十朋
手短難掌黃金印
身材四不像又怎著官袍
老太婆兩眼冇神
佢註定一世貧
玉蓮八字早經排
一支木頭荊釵插上頭
頭上插到老
可笑這一啊個老蠢豬
有眼卻無珠
什麼愛才擇婿
今日賠米又賠飯
天下第一老糊塗
赫 笑話我就聽得多
未聽過嫁女兒
要同人養老母
錢玉蓮：孃親
姚氏：哎呀玉蓮
十朋上京咁耐啦
一點音訊都冇
你聽我講句說話啊
當今世道
做咗高官嘅就**房
我睇啊 佢唔中你苦
佢中你更苦啊
王母：親家奶奶
說話唔可以咁講
姚氏：笑話 當今世道
哪有婆婆賴在媳婦娘倆
將飯討
錢玉蓮：孃親
婆婆是我接返嚟嘅
你打罵玉蓮 我不會怨
只求孃親對婆婆一點禮
來生犬馬報佢勞
姚氏：哎呀 你真系王家嘅好媳婦啊
錢流行：乖女 快起來
你你你你太過分啦
王母：我縱然餓死街頭
也要離開此地
錢玉蓮：婆婆 你不能走
王母：我一定要走
錢玉蓮：婆婆
接唱：知婆婆心志比鋼堅
怨後孃尖酸刻薄
一天悲憤忍在心頭
你我更比骨肉親
在夫家半碗熱粥兩人分
到孃家一句冷言兩人受
婆婆若執啊意要回 家
無奈家空物淨
燈殘灶冷 斷壁危樓
玉蓮一死咿不迴心
婆婆若有兩短三長
這天大災凶怎補救啊
王母：媳婦 你情深義重
叫婆婆講乜嘢好啊
蒼天啊
你保佑十朋快啲返嚟啊
錢玉蓮：婆婆
冬梅：老夫人 小姐
老夫人 小姐
老爺夫人 你哋快出來啦
錢玉蓮：冬梅乜嘢事啊
冬梅：小姐我剛出街口
就碰到孫汝權嘅管家
佢啊送我一封信
眾人：信
冬梅：小姐你睇 姑爺來信啦
錢玉蓮：哦十朋來信啦
冬梅：老夫人你睇
王母：十朋來信啦
錢流行：十朋總算報佳音啦
姚氏：佳音 想爛你嘅心
錢玉蓮：爹 十朋來信
你念吧
錢流行：好 我念
高中狀元身掛綠
除授饒州僉判府
真系中狀元 中啦
中啦
冬梅：姑爺高中啦
錢玉蓮：謝天謝地
冬梅：恭喜小姐 賀喜小姐
老爺 恭喜老爺
姚氏：咦 冬梅
點解唔恭喜我啊
我嘅寶貝女婿高中狀元
你唔恭喜我
我自己恭喜自己
恭喜晒 恭喜晒
錢流行：哈哈哈
你啊 你真系癲咗啦
姚氏：老爺我真系高興到癲啦
玉蓮 玉蓮啊
你就要戴鳳冠穿霞帔啦
哎呀 我嘅親家奶奶
來來來 坐
哎呀 你真本事
生咗個好兒子
老爺
封書信都未讀完
快啲讀埋佢先
錢流行：好我讀
宰相權重令入贅
羈留京城嘆奈何
錢玉蓮：乜話
姚氏：宰相要招佢當女婿
錢流行：遊子思歸歸不得
望慈親使妻別
姚氏：別乜嘢 別
錢玉蓮：望慈親
使妻別嫁
姚氏：什麼 使妻別嫁
這唔系遺棄糟糠
忘恩負義
你啊當初話佢中與不中
都即刻返嚟
如今是日盼夜盼
卻盼來一紙休書
盼來王十朋這個負心郎
王母：親家奶奶
姚氏：我唔系你親家
我哋家細
住不下你呢個狀元老夫人
冬梅：夫人 你積啲陰德
姚氏：你多嘴 你同我滾
王母：你打佢
姚氏：你都同我滾
冬梅：老夫人
錢玉蓮：婆婆仲系外頭
姚氏：你知不知醜啊
人哋嘅兒子佢都唔要你啦
你仲叫乜嘢婆婆
錢流行：俗話講好心有好報
護小不欺老
你快開門啦
姚氏：我唔開
錢玉蓮：爹
姚氏：王十朋啊王十朋
我好好嘅一個家
都畀你搞成乜嘢樣啦
冬梅：夫人 你開門啊
王母：冬梅唔好叫啦
我走 我走
冬梅：老夫人
姚氏：哦仲來死纏爛打
你等著
孫汝權：你 原來系錢伯母啊
姚氏：原來系孫相公
哦孫相公 請
哦孫相公失覺晒 失覺晒
坐 坐
孫汝權：謝坐
姚氏：乜嘢風將你吹嚟啦
孫汝權：聽講令嬡畀王十朋休咗
姚氏：哦呢件事連你都知道
孫汝權：知道 十朋入贅相府
京中早已家喻戶曉
佢嘅書信
都系我帶返嚟嘅㖭
姚氏：早知個衰仔咁冇良心
我當初
孫汝權：當初小生也曾向玉蓮求親
伯母你亦答允啊
姚氏：系只怪玉蓮佢不知好醜
孫汝權：今日小生二度登門
帶嚟明珠百顆
金釵一支
作為定親聘禮
姚氏：哦
明珠 金釵
孫相公你真繫個多情人
小女嘅婚事我就應承啦
孫汝權：哎呀 如此說
岳母在上請受小婿一拜
姚氏：哦起來 起來
小女性情剛烈
事不宜遲
明朝一早花轎擡人
孫汝權：好 明朝一早花轎擡人
姚氏：哈哈哈