遙遠的所在

遙遠的所在 - 廖士賢

詞：廖士賢

曲：廖士賢

你無穿衫 無穿鞋

你褪赤跤行佇 彼個世界

風咧吹 你綴咧飛 笑容飛 自由自在

你跋大樹 泅大海 危險無害

因為遐是遙遠的所在

你袂驚惶 袂驚暗 毋驚流目屎

因為遐 是遙遠的所在

我無穿衫 無穿鞋

我褪赤跤行入 這個世界

風咧吹 我綴咧飛 笑容飛 難為自在

我跋大樹 泅大海 危險存在

因為 遮 是沒人瞭解的所在

我會驚惶 會驚暗 毋驚流目屎

為著欲去 遙遠的所在