萬能老倌

我恨做明歌星　想食開口飯

得閒就洗手間　唱下中慢板

出名浴室歌王　唔係牙『斬』『斬』

會唱又會彈　結他又會玩

唱法勁我生生猛猛　演科騷歌星夠勁型像夠盞

唱過埠美金一擔擔　不識慳玩賭博直情累到我慘

輸光於一晚

唔做新潮歌手　轉行做唱家班

我學完唱二簧　又學人數白欖

一曲入歌壇　咪話我唔夠膽

為咗搏兩餐　我死都唱番生

搏到盡唱篤篤撐撐　一開聲手掌拍爛人話我盞

夠殺食唱多三兩晚　貪好玩煙酒太勁懲罰太過慘

失聲於一旦

有個矇查班主　搵我做落香班

唔係做文武生　又唔係做花旦

開套武松打虎　做小武我最啱

點知佢搵我扮老虎　佢貪我會打大翻

搏晒命老虎仔咁猛　打觔斗花式變幻人又夠膽

撻到直我死都要撐

攤攤腰腰骨撻直人亦撻到散

收科於一旦