NBA 2K16 (feat. JYD)

狐狸先生 - Double T

詞：Double T

曲：DJ Galaxy

編曲：DJ Galaxy

監製：DJ Tommy/DJ Galaxy

冇事冇幹你都會問嚇

狐狸先生幾多點

細個去公園搵到埲牆玩

嚇狐狸先生幾多點

個個慨童年不停問阿

狐狸先生幾多點

10歲打後仲有邊個記得

狐狸先生幾多點

佢話一點A大把時間

做小學生一個字玩

乜都整爛駛乜

我慳唔多食飯最憎食橙

鐘意凼凼轉菊花園

差嚇皇帝再玩嚇飛船

食到肥騰騰一日五餐

成日掛住街邊炸魚旦

不得了啦要返學個書包

重到冇晒知覺

乜嘢b p m f d t n

點解你哋好似識得我

考到50分我要買玩具

考到零分唔該收埋渠

一日最少五罐汽水

返學最多遲到早退

一點 兩點 三點 四點 五點

六點 七點 八點 九點 十點

十一點 十二點

十二點 十二點 十二點

打機打到凌晨

阿媽問我而家幾多點

溫書溫通頂

冇人理我理得而家幾多點

考試做唔切分卷

老師提我而家幾多點

放暑假補習

補到唔記得咗而家幾多點

我要著Dr Martin

返學我跑得快過運動員

為咗儲錢食一個杯麵

可以頂到夜晚七八點

學人食煙飲酒打架

幾千蚊買個名牌書包

明明返學校之後

入咗差館聽社工說教

之後阿媽日鬧夜鬧

日鬧夜鬧

試過成個禮拜冇返屋企

返到屋企成個禮拜跪喺地

呀嗎我愛你

到今時今日都系愛你

到我識得掛住屋企

可惜你已經冇返嚟

每朝早鬧鐘響

冇人想知究竟而家幾多點

食晏同放工

實只表究竟而家幾多點

約咗女友遲到黑晒面

問我而家幾多點

同朋友飲杯野唔俾我走

又問我而家幾多點

細細個同我講夢想第一日

返工我想中頭獎

又唔敢揸把刀去搶

又唔夠錢去買支槍

所以我密密做密密

使每個月都清袋咁滯

交埋啲水費電費雜費

仲嫌我真系未夠費

買車買樓養只番狗呢個套餐

先有女朋友

我就死剩把口話

做浪子習慣一無所有

之後我接受求穩定

因為知道一定唔會富有

努力公車供樓搵女友

仲收養一條唐狗

搞結婚鬼死咁忙

阿嬸話吉時系幾多點

到老婆生仔入咗產房

等到唔知幾多點

之後我供書教學

到我問返阿仔幾多點

生離死別嗰刻

我記得狐狸先生幾多點

渠答我十一點我差唔多玩完

我老婆仔女點算

個仔考第一想送份禮物

見渠眼溼溼雙手合十

老竇你唔好死呀

我唔系考第尾啊

最多每晚早啲返屋企

你唔好揼低我哋

阿妹話渠會乖啊

以後唔去咁多街啊

聽完呢句好安心

合埋雙眼終於可以瞓

最後一次問狐狸先生

而家幾多點

渠答我十二點

哈哈 各位再見