吉祥祝福

吉祥祝福 - 扎西然旦/達哇梅朵

詞：（拉）索來

曲：曲塔

原唱：扎西然旦/達哇梅朵

譯：郭吾：索南幫久

བཀྲ་ཤིས་ཁ་བའི་ཡུལ་ལ། །

ཆོལ་གསུམ་སྤུན་ཟླ་འཛོམས་སོང་། །

སྐྱིད་པའི་དུས་བཟང་འདི་ལ། །

དགའ་དགའ་སྤྲོ་སྤྲོ་གནང་ཤོག །

ཨ་་་་་རྟེན་འབྲེལ་འགྲིག་སོང་། སྐལ་བ་བཟང་སོང་།

ཁྱེད་ཀྱིས་མཆོད་ཆང་བཀྱག

ང་ཡིས་ཁ་དར་འབུལ།

གངས་ཅན་ཁ་བའི་ཡུལ་ལ།

བཀྲ་ཤིས་རྟེན་འབྲེལ་འཛོམས་སོང་། །

བཀྲ་ཤིས་གཡང་ཁྱིམ་འདི་ལ། །

ཕ་མ་སྤུན་མཆེད་འཛོམས་སོང་། །

ལྷན་འཛོམས་ཉིན་མོ་འདི་ལ། །

དགའ་དགའ་སྤྲོ་སྤྲོ་གནང་ཤོག །

ཨ་་་་་རྟེན་འབྲེལ་འགྲིག་སོང་། སྐལ་བ་བཟང་སོང་།

ཁྱེད་ཀྱིས་འོ་ཇ་སྐོལ།

ང་ཡིས་ལྷ་བསངས་ཕུལ།

གཡང་ཁྱིམ་གྲུ་བཞི་ནང་ལ། །

བཀྲ་ཤིས་རྟེན་འབྲེལ་འཛོམས་སོང་། །

བཀྲ་ཤིས་ཁྲོམ་ཆེན་འདི་ལ། །

ན་གཞོན་ང་ཚོ་འཛོམས་སོང་། །

འཛོམས་པའི་སྐལ་བཟང་འདི་ལ། །

ཞབས་བྲོ་འགྲིག་པོ་འཁྲབ་ཤོག །

ཨ་་་་་རྟེན་འབྲེལ་འགྲིག་སོང་། སྐལ་བ་བཟང་སོང་།

ཁྱེད་ཀྱིས་ཞབས་བྲོ་འཁྲབ།

ང་ཡིས་གླུ་དབྱངས་ལེན།

སྐྱིད་པའི་ཁྲོམ་ར་འདི་ལ། །

བཀྲ་ཤིས་རྟེན་འབྲེལ་འཛོམས་སོང་། །