英臺曬奶（三伯英臺遊西湖）–2 (Explicit)

英臺曬奶（三伯英臺遊西湖）–2 - 楊秀卿

詞：楊秀卿/儲見智

曲：傳統曲調

做陣行來甲猴洞

看着內中暗摸摸

牽哥的手那咧講

你看踮遮並無一絲風

英臺招哥咱入內面

（哦內面欲創甚乜）

樑兄你今着是阮的愛人

（哼囡仔擘塗豆啦愛仁）

佇遮肅靜無要緊

咱來踮遮歇睏才起身

哈哈哈哈賢弟啊賢弟

你閣到遮欲停步

無想內中暗摸摸

愛人仔毋着愛有查某

你我平平是查埔

唉喲樑哥你毋蹛遮坐

每次見招你都見推

敢有久居蹛這塊

咱盡閣做堆是這月

好啦好啦

你的心肝莫甲遐爾仔荒啦

哎呀你有影真正佮人不相同呢

痟某毋是痟這體形的啦

行啦趕緊咱閣來去別位看

（好啦好啦）

這馬做陣行出猴洞外

叫哥免行傷大伐

今來行出甲這個外面

樑兄做前行甲遐爾誠趕緊

小等一下啦

樑哥你着小等我

人我有話共你講呢

（今是有甚乜話啦）

欸抑無你是共我叫按怎

怎樣仔叫我來行較寬

抑花園咱猶袂去看

等咧三延兩延日落山

哎實在有影敢若呆頭鵝咧

見講逐句攏聽無

好咯我着毋相信

我閣用一步予你看覓仔一下

英臺停跤想計智

叫哥慢行小延遲

（是欲創甚乜）

你看你看停跤請等恁小弟

人我有話欲共你通知

抑無你是聽無我共你講

咱着愛緊來去看

毋拄好乎彼花園看袂煞

日頭暗咱欲按怎轉去

着啦樑兄

這馬英臺停跤計着用

叫哥慢行小可停

跤伐幾步看光景

你看小弟仔有物佇胸前

欸欸欸哎呀

我三伯着問祝賢弟

抑無你是欲報我看啥乜個

胸前毋鈕按呢激裼裼

啥人毋知你肉遐白

聽哥你說情着盡

想欲拆白共伊講予真

樑兄來啦伸手來摸無要緊

小弟仔胸前兩粒奶

哎呀恭喜啊

（恭喜恭喜甚乜）

嘿嘿嘿嘿三伯聽着喝恭喜

賢弟的肉白如絲

人講男人大奶是有福氣

抑若女人大奶着是有孩兒

小弟仔你

這馬轉骨佇咧腫奶子

趕緊咧轉去共恁老母講

紲落去共恁老爸仔han-nóo-sí

嘿嘿準備通好來娶妻兒

娶唉娶你一箍頭啦

氣死人好啦行啦

這馬兩個着按呢嘪嘪掣掣咧

行咯

這馬三伯佇咧講

賢弟啊你毋通按呢啦

講東講西是真正歹名呢

閣歹聽啦

你無想看覓

咱兩個平平仔是仝款的呢

欸啊你喔較差不多咧啦

嗯 好啦好啦抑無

咱來去看花園啦

嗯好來去看花園

歹勢這馬欲去看花園乎

啊都講一寡百花爾爾

這着無甚乜趣味啦

按呢着到遮共截止感謝諸位