23年前嘅10月忽然收到罗记罗文离世嘅消息，内心忐忑。当时心里面将几十年同佢相交，相知，相识嘅一切片段喺脑海不停咁重播又重播。食嘢都食唔落去，身体最诚实。我出去逛一逛，走到九龙通利琴行买咗两支木吉他，买咗啲食物，走回录音室就随手开始弹咗啲罗文嘅歌。罗记嘅歌:有好多都系我细个时我跟师傅顾嘉辉嘅时候一齐做编曲嘅，亦有一啲我读紧中学时候好喜欢罗文嘅歌曲，例如"前程锦绣"，我开始弹弹弹，当时只想怀缅，忆录一下，亦冇任何目的同计划去做任何事。跟住揿个录音机嘅掣，攞支吉他就开始录音。连续差唔多三日冇离开过录音室，接近72小时净系食我买嘅杯面干粮，饮录音室嘅蒸馏水。最终将14只歌吉他嘅部分全部弹晒，总算松一口气。三日里面喺录音室凉都冇冲过，只系好攰嘅时候就休息一阵间，根本上加埋都瞓唔到几个钟，带住好疲累嘅身躯返屋企枕低晒一切，好好瞓一觉。之后再返录音室做后期嘅工作，加钢琴，加一啲简单嘅声效，然后加完晒再混音。成件事搞咗差唔多半年，亦都系收咗喺我自己嘅柜筒里面。从来冇谂过要发行。呢只专辑，只不过系一个心愿，耐唔中攞出嚟听，夜晚瞓唔着，长夜难眠，无心睡眠，攞出嚟听下，即刻心底泛起一阵暖意，谂起好朋友亦都听番自己做过嘅嘢。经过咗23年，我再重新揾个大师帮我master母带，今次正式将佢攞出嚟同大家分享14首歌。轻松冇压力。当时系冇谱冇任何其他（录音室用嘅拍子机，Click,乜都冇），就咁随手弹，听出嚟系更加冇边际，好舒服。啲鼓声系我自己轻轻咁拍个吉他，然后将佢重复驳起嚟用嚟扮鼓声。所以罗文呢个专辑系最适宜大家静静休息嘅时候听，夜晚听又得，揸车嘅朋友都可以听，系一定唔会越揸越快嘅。希望大家喜欢一个咁温柔、温婉可爱嘅14首罗文纯音乐。好想大家听完之后再俾意见我（网上@微信或者小红书留言俾我）。谢谢大家！

About 怀念罗文 :

Kalau kamu mencari album untuk bikin asik suasana hati, coba dengerin 怀念罗文 secara online di JOOX sekarang!怀念罗文 dari Dominic Chow dirilis pada 13 Nov 2025. Menampilkan artis populer, album ini adalah komposisi yang luar biasa keren dengan total lagu 14.

Lainnya Dominic Chow

23VS63影子14 Nov 2025

23VS6314 Nov 2025

紫1 Jun 2025

影子6 Feb 2025

236 Feb 2025

周启生拉阔演唱会广州站 (Live)30 Nov 2024