Sigpit

Sigpit - Cesca/Francesca Johnnae "Cesca" Chua Mahusay

Composed by：Francesca Johnnae "Cesca" Chua Mahusay

Produced by：Roque “Rox” Santos

At muling babalik

Sa tinutuluyan kong

Na maliit na sigpit

Kung saan walang hanggan

Ang pagtulo ng

Luha mula kisame

At basa walang sawa

Ang kaingayan ng paniki

Sila lang ang nakakaalam ng

Lahat ng sakit at pighati

Ngunit narinig muli

Ang 'yong musika

Pa'no bang 'di lumapit

Kung nand'yan ka na

Pagod na sa mga sabit

Puso ko'y isasara

At kahit anong kalabit

Ay 'di kita papansinin

Na naman 'di alam ano

Bang mangyayari

Sa'king hinliliit

Buhat niya ang pangako

Na aking ginawa

Na kailanman 'di

Ako mawawalay sa'yo

Sa biglaang pagtago na

Magbibigay daan

Sa aking paglaho

Nasabi ko naman

Pagpasensyahan mo lang

Na ito ang

Aking nakasanayan

Ngunit 'di mo tinigil

Ang 'yong musika

Sinubukan mo pa ring

Tanungin kung pwede bang

Muling ku kausapin ka

Tungkol sa'ting dalawa

Mga pangakong kay dali

Lang nalimutan

Sa ating huling usapan

Sinadyang magkaaminan

At 'di ko inaasahang

Nagawang harap-harapan

Sabi mo mayro'ng saysay

Ang ating munting salaysay

Ngunit 'di naagapan ng oras

Nangyari na ang lahat

Nangyari na'ng lahat

At nang marinig

Muli ang 'yong musika

Parang 'di ko na

Kayang magpaalam pa

Sabi nga ni Bathala

'Di ngayon ang tinakda

Balang araw ay sana

Maiisayaw kita