媽媽歌星

媽媽歌星 - 唐山/程琇慧

詞：葉俊麟

曲：日本曲

人若問你甲我

二人到底啥關係

介紹你是阮小妹

不敢講坦白

雖然是一直掩蓋

心內感覺真難過

因為我惦在歌壇

最需要是歌迷

人若知我有女兒

歲頭又真多

恐驚可比秋天的落花

名聲飄飄墜落地

一切是環境

來造成無聊的命運

滿面的胭脂水粉

打扮當青春

上舞臺表演歌唱

引人迷魂笑紋紋

因為我惦在歌壇

靠藝術賺錢銀

母子來相依為命

勞苦無議論

那著怨嘆無情的郎君

每日心肝亂紛紛

興趣著唱歌來

一唱已經十多冬

親手來晟養女兒

不願靠別人

薄情郎離開了後

將著愛情攏全放

因為我惦在歌壇

有能力再活動

期待著美麗前程

相信有好夢

用心栽培女兒花清香

是我一生的願望