Immistadt 歌詞
Immistadt - Arno Steffen
Mer leeve en ner Stadt
Wie mir et verstonn
Mer bruch at bal nit mieh fottzejonn
Luren einfach us d'r Dür
Un de Welt erin by my hay sufisun
Weil Immi sin
Mer levve en dä Stadt met vell Jeföhl
Manchmol setz mer zwesche alle Stöhl
Han en komische Sproch wie jeder weiß
Levve en dä Stadt die Kölle heiß
Mer integriere üch all
Op jede Fall
Op usem Senejal
Oder Neandertal
Ob us Pakistan
Us Limburch an dr Lahn
Och usem Berjische Kreis
Levve en dr Stadt die Kölle heiß
En unser Stadt sinn suvell Dräume do
Himmelhuh jejauchz un bal nit mieh wohr
Un et wed langsam jedem klor
Wenn nit jetz dann weetet morje wohr
Ob Moschee ob Tempel oder infernal
Ob Stein jewoode als Kathedral
He en d'r Stadt hät jeder Draum singe Platz
Levve en dr Stadt die Kölle heiß
Mer intergriere üch all
Stadtkyll oder Kall
Usem Morjenland
Un vun dr Wasserkant
Esu weeste dann kölsch
He em Jemölsch
Doheim noh langer Reis
Levve in dr Stadt die Kölle heiß
Jot dat mir all Immis sin
Met Eijearte en uns dren
Jede Jeck will anders sin
Ävver keiner tuusch si Ego öm
Dat all zesamme sin mir
Vum Vürjebirch de Kappesbuure
Vum Stadtwald
Strich de Stroßehure
Dr leeve Jott dä sich widder jet ziert
Bei uns weed alles integriert
Ob Tünnes ob Schääl
Ob Frauminsch oder Kääl
Ob dunkel ob hell
Mer levve en dr Stadt die Kölle heiß
Die sich schläät un verdräät
Bes keiner mieh jet sät
Joh dat nennt mer tolerant
Levve en dr Stadt die Kölle heiß
Op det jläuvs oder nit
Mir sinn en Traumfabrik
Manchmol och met Happy Engk
Levve en dr Stadt die Kölle heiß
Üch all joode Naach
Morje jitt et widder Krach
Su weeste he en däm Jemölsch
Zwangsweise kölsch
Levve in dr Stadt die Kölle heiß
Levve in dr Stadt die Kölle heiß