หน้าฮ้านประจานฮัก 歌詞
หน้าฮ้านประจานฮัก - ศิริพร อำไพพงษ์
Lyrics by：สลา คุณวุฒิ
Composed by：สลา คุณวุฒิ
Arranged by：เด่น ดอกจาน/สมศักดิ์ พิลารัตน์
Produced by：สลา คุณวุฒิ
อกหักเทื่อนี้หัวใจบ่มีทางออก
เจ็บแล้วบ่กล้าบอก
ว่าถูกคนฮักนอกใจ
ขอยึดหน้าฮ้านหมอลำ
เต้นแบบไม่เกรงใจใคร
งานบุญคืนนี้
จองหน้าเวทีก่อนไผ
เอาบุญให้คุ้มเกินใคร
ให้มันสาใจผู้ลางคน
เป็นกุลสตรีมานาน
ฮักเดียวคงมั่นบ่วกวน
ซื่อสัตย์ต่อฮักจริงใจ
เขาทำเราได้บ่หลูโตน
เจ็บบ่กล้าฮ้องตะโกน
ขอเต้นใส่คนให้เขา
ซึ้งในความอาย
เขาทำได้
บ่ย่านเฮาอายไทบ้านจักหน่อย
เขาทำได้
บ่ย่านเฮาอายไทบ้านจักหน่อย
เบิ่งเพิ่นหลอยไปมีใหม่
ซ้อนให้คนย้อนเบิ่งเฮา
ว่าบ่เฝ้าเขาเลยลักแฟนไป
มันแสนอาย
ยามได้ฟังคำคนว่าเฮามันโง่
ใจโมโหแต่บอกเขาบ่ได้
จึงมาระบายให้คนได้มองผ่าน
ขอยึดเอาหน้าฮ้าน
ประจานเจ้าผู้แบ่งสอง
ไผเห็นกะมอง
เต้นกันไงหง่องอยู่หน้าเวที
เป็กหน่อยให้หน้ามันตึง
ลุกเฮตึ้งๆใส่เสียงดนตรี
เต้นมอบแด่แฟนผู้บ่ฮักดี
เต้นแข่งหมอลำที่ฟ้อนอยู่บนเวที
โสสุดแล้วมื้อนี้
ไผว่าบ่ดีกะแล้วแต่เพิ่นสิอาย
แนวคนพ่าย
หาบ่อนระบายความเอ้าความอั่ง
แนวคนพ่าย
หาบ่อนระบายความเอ้าความอั่ง
เว้าไผฟัง
เขากะมีแต่เย้ยว่าเฮานั่นอ่อนแอ
เต้นหน้าฮ้านประจานรักซ้อน
ลางเทื่อกะฟ้อนใส่กลอนลำเพลิน
เต้นประจานให้บ้านเพิ่นตื่น
ให้คนเว้าพื้นว่าใครหมางเมิน
หัวใจมันช้ำเหลือเกิน
จึงขอสะเวินเย้ยสายตาคนมอง
ทนหมองล่ะทนอายไทบ้าน
ทนหมองล่ะทนอายไทบ้าน
ถืกเขาหยันว่าซึมเซ่อจนโง่
ขอเต้นโชว์ให้คนงงทั่วบ้าน
ไผค้านสิบ่สน
เจ็บมาดนเกินทนรับได้
ฟ้องคนหลายใจให้รู้ตัวเสียบ้าง
รอเสียงกลองดังบ่ฟังฟ้า
บ่สนสายตาผู้ใด๋ป้อย
ม่วนเพลงนี้