唱K新玩法 JOOX 拍住唱

唱K新玩法

JOOX 拍住唱

「JOOX K歌」新增Video拍攝功能「拍住唱」，一個人毒獨自拍又得，又或者同啱Key歌友於不同時空拍攝合唱影片亦得，從此唱K唔止齋聽仲有埋畫面！

毒獨自拍

除咗基本錄音模式外，JOOX大部份K歌都支持SOLO拍攝功能，一按「Sing」，可以點唱首歌一目了然！

明白大家都有啲怕醜，唔想露全相，可以於正式拍攝前，使用不同貼紙或美顏Filter等執到面目全非，務求以最上鏡一面示人！(如果真係點整都醜，右上角可選回純錄音模式。)

Solo拍攝支持「副歌/片段」功能，萬一唔夠氣，可以只選唱部分歌曲，唔使唱哂全首。 準備好後就可以按「開始錄製」。

拍攝完畢後，跟以往錄音模式一樣，可以選擇不同的混音效果及調整音量，執到滿意之後，加句caption就可以公開發佈。(Solo拍攝暫時不支持回到特定行數重唱，所以大家要keep住最佳狀態！)

合唱影片

一個人玩有啲悶？可以嚟個合唱！留意返歌名有個「合唱」(Duet) 標籤，就代表可以拍攝合唱影片。你可以成為龍頭「新開合唱」，亦可以選擇「加入合唱」。

「新開合唱」

成為龍頭，你可以率先話事，選擇自己想演唱的部份 (A段或B段)。跟Solo自拍一樣，用貼紙或美顏Filter執好個樣就可以「開始錄製」。

拍攝時可以留意返顏色提示，綠色為獨唱部分，黃色為對唱，而灰色就留畀對家發揮。 由於做龍頭責任重大，所以需要完整唱完整個A段或B段先可以結束，所以大家記得Hold住個勢唱足全首呀！)

完成後嘅合唱龍頭作品，將會出現於你嘅個人主頁及歌曲嘅K歌合唱推介頁內，你亦可以廣發英雄帖予各方歌友，邀請佢哋同你合唱。

「加入合唱」

「加入合唱」就更為簡單，只需挑選心水合唱歌或心儀合唱對手，按「加入」就可以，同男神女神合唱不再是妄想！拍攝時只需要配合龍頭對唱歌曲剩餘的部份(留意顏色提示)就OK！

「分享作品」

最後，記得儲存K歌作品並設定為「公開」～ 如果想把K歌作品開心share，儲存後請點擊作品右上角——按「分享」，即可複製連結或分享到JOOX好友、Facebook、Instagram或更多平台，跟更多的人分享好聲音！

事不宜遲，無論Solo定合唱，立即開始你第一首「拍住唱」啦！JOOX更會邀請不同歌手、藝人一齊玩「拍住唱」，以後任何人都可以同任何人面對面高歌！