เนื้อเพลง ก่องข้าวน้อยคอยอ้าย
ก่องข้าวน้อยคอยอ้าย (GAUNG-KOW-NOY-KAUY-AI) - ศิริพร อำไพพงษ์ (Siriporn Ampaipong)
Lyrics by：สลา คุณวุฒิ
Composed by：สลา คุณวุฒิ/บุรินทร์ มาศงามเมือง
เปิดก่องข้าวน้อย
ใจล่องลอยคึดฮอดอ้าย
อ้อนฝากลมไป
อ้ายอยู่ไสให้ฮำฮอน
เปิดก่องข้าวน้อย
ใจล่องลอยคึดฮอดอ้าย
นั่งสบตาควาย
ข้างเถียงนากลางหน้าฝน
สาวทุ่งอีสาน
คอยฮักนานใจหมองหม่น
ปั้นข้าวเหนียวจ้ำป่น
น้ำตาหล่นคึดฮอดคนไกล
อ้ายอยู่ที่ใด
ลืมหัวใจน้องแล้วบ่
เก็บเงินได้พอ
สิหวนมาเคยว่าไว้
หายไปกี่ฝน
หรือมีคนปนหัวใจ
ในเมืองมีสาวมากมาย
จอบดึงใจอ้ายลืมท้องนา
ก่องข้าวน้อยลืมปิดฝา
โบราณว่าสิถูกแย่งแฟน
ปั้นข้าวเหนียวแน่นๆ
เมื่อโดนน้ำละลายเม็ดลา
กลัวใจอ้ายใกล้คำหวาน
เป็นข้าวเหนียวปั้นถูกน้ำดังว่า
สิมีบ่หนอเวลา
คึดฮอดสาวนาผู้ตั้งตาคอย
เปิดก่องข้าวน้อย
ใจล่องลอยคึดฮอดแฮง
เบิ่งดอกสะแบง
ปลิวแว้งแวงลมวอยๆ
คึดหลายจนหวั่นหวิว
กลัวฮักปลิวไปมิดจ้อย
ปิดฝาก่องข้าวน้อย
บ่ฮู้สิซอยดึงอ้ายได้บ่
ก่องข้าวน้อยลืมปิดฝา
โบราณว่าสิถูกแย่งแฟน
ปั้นข้าวเหนียวแน่นๆ
เมื่อโดนน้ำละลายเม็ดลา
กลัวใจอ้ายใกล้คำหวาน
เป็นข้าวเหนียวปั้นถูกน้ำดังว่า
สิมีบ่หนอเวลา
คึดฮอดสาวนาผู้ตั้งตาคอย
เปิดก่องข้าวน้อย
ใจล่องลอยคึดฮอดแฮง
เบิ่งดอกสะแบง
ปลิวแว้งแวงลมวอยวอย
คึดหลายจนหวั่นหวิว
กลัวฮักปลิวไปมิดจ้อย
ปิดฝาก่องข้าวน้อย
บ่ฮู้สิซอยดึงอ้ายได้บ่
ปิดฝาก่องข้าวน้อย
ใจคนคอยกลืนข้าวบ่ลง
เกี่ยวกับเพลงนี้ :
เพลงนี้ถูกปล่อยออกมาในวันที่ 25 พ.ย. 2003, เพลง ก่องข้าวน้อยคอยอ้าย จาก ศิริพร อำไพพงษ์ ที่ร่วมกันสร้างสรรค์ท่วงทำนองและเนื้อร้องได้ยอดเยี่ยม
ดาวน์โหลด JOOX Application และ รับฟังเพลง, ชมมิวสิควีดีโอ และอ่านเนื้อเพลง แบบออนไลน์ได้ทุกที่ทุกเวลา
Tags ที่เกี่ยวข้อง :
ก่องข้าวน้อยคอยอ้าย (โดย ศิริพร อำไพพงษ์), ก่องข้าวน้อยคอยอ้าย, ก่องข้าวน้อยคอยอ้าย มิวสิควีดีโอ, ก่องข้าวน้อยคอยอ้าย เนื้อเพลง, ศิริพร อำไพพงษ์ เพลง