Babuang Balengahkan

Dek bansaik pamenan diri

Langgang badan di nan rami

Biarlah

Ibo hati den tangguang

Biarlah

Jauah dari nan kandung

Panek aka nan malilik

Mangaruntiang bapatahkan

Diasuh urang nan maudi

Taniayo diri ko dalam anjuangan

Sarumpun sarumah gadang

Sakampuang sapasukuan

Di sinan denai cando tabuang

Dek ameh tido di kanduang badan

Baragi si kain putih

Cabiak nan pakaian badan

Atah jo bareh jaleh ka tasisi

Baitu lah untuangnyo badan

Patuik di bimbiang nan diiriangkan

Nyato babuang balengahkan

Bialah di radam

Kasa di dado

Mujua kok isuak

Elok nan tasuo

Panek aka nan malilik

Mangaruntiang bapatahkan

Diasuh urang nan maudi

Taniayo diri ko dalam anjuangan

Sarumpun sarumah gadang

Sakampuang sapasukuan

Di sinan denai cando tabuang

Dek ameh tido di kanduang badan

Baragi si kain putih

Cabiak nan pakaian badan

Atah jo bareh jaleh ka tasisi

Baitu lah untuangnyo badan

Patuik di bimbiang nan di iriangkan

Nyato babuang balengahkan

Biarlah di radam kasa di dado

Mujua kok isuak elok nan tasuo