Cuma Saya

Sayang kalo bosan ko bilang

Jangan ko pigi dan menghilang

Ya kalo sa salah tolong diubah

Bukannya ko langsung berubah

Ko mo cari yang bagaimana

Ko mo dapat juga dimana

Biar ko sampe ke ujung dunia

Yang mengerti ko tu cuma saya

Ko bola bale su macam deng setrika

Ko sombong sampe stelan lupa sa

Bila ada waktu mari tong berbincang

Sio kaka sayang jang ko hilang hilang

Yeah nah ko pigi cari

Yang lebih dari

Sa ini sudah paling mengerti

Dari baik buruk tangkis ko pu beu (beu)

Sayang kasi enak ya

Enak macam papeda deng heu

Ko pikir lagi

Stop lupa diri

Sampe mana tetap sa yang koi cari

Ko pu gelisah sa yang kas tenang

Sa paling hafal

Sa yang tau cara kas tenang

Ko mo cari yang bagaimana

Ko mo dapat juga dimana

Biar ko sampe ke ujung dunia

Yang mengerti ko tu cuma saya

Jang ko mo slak

Sombong untuk jalan pica bunga

Sa yang su mengerti dong su tau sa punya

Mo jalan sampe mana

Mo sakit bagaimana

Pasti ko cari saya

Ko tra akan lupa saya

Sa yang su kopeng

Harga diri lapis belis

Ko pu manja goyang lidah

Sambil angkat alis

Mo stelan jurus remot

Andalan apa bilang

Kalo bosan kasi tau

Ko pu cara jang menghilang

Sejauh apa ko melangkah

Tapi tetap ada sa dan ko akan kembali

Ko pu slak ko pu skak

Sa su hafal mati

Sampe cara khas nyaman pun

Cuman sa yang mengerti

Yeiy cinta ini ko punya

Untuk seutuhnya

Mo cari sampe dimana

Tetap sa ini ko pu rumah

Semuanya indah tinggal ko pu suka

Ko mo cari yang bagaimana

Ko mo dapat juga dimana

Biar ko sampe ke ujung dunia

Yang mengerti ko tu cuma saya

Cukardeleng sayang koi main apa e

Mo tampeleng tapi sio sa pu sayang e

Ko pu busuk sa su tao

Ko pu katu sa su tau

Ko pigi baru bagemana aroolu jauh

Ko cari kalo memang ada yang seperti

Sayang selalu sayang dan paling mengerti

Ado ko jahat patah sa pu hati

Pigi pigi ko ikut ko pu malu

Mo bagaimana pun tetap ko minta ampun

Tuhan su menuntun ko pu sayang anggun

Siapapun tak bertahan ko pu ego beruntun

Tanya dong pasti bilang ko wanita beruntung

Yo bunuh sa pu hati demi ko pu ego kesenangan

Tara tipu tapi jang ko bikin tinggal kenangan

Sa ada pada gerimis pasang surut hubungan

Ko mo cari yang bagaimana

Ko mo dapat juga dimana

Biar ko sampe ke ujung dunia

Yang mengerti ko tu cuma saya