Dengarkan 硬挣 Erstarrung lagu dari 林理惠 Mars Lin dengan lirik

硬挣 Erstarrung

林理惠 Mars Lin, 郑顺聪, 谢明谚23 Jan 2026

Lirik 硬挣 Erstarrung

硬掙

作曲:謝明諺

作詞:鄭順聰

 

我佇冰天雪地看著,幸福燒烙的痕跡;

毋知春天當時會閣來,就是感覺身軀真硬掙。

踏出沉重的跤步,跤步沉重心袂定;

無依無倚的飄浪,敢講是一場幻影。

 

靠月娘照落來的光影,予我知影路按怎行;

毋知佗位來的烏暗心事滾絞閣捙拚,

各種各樣的心事有遮:

起憂悶、烏白想、拖拖沙沙、緊張閣驚惶,

濟濟濟濟的心事來閘路,

予我毋知欲按怎行。

 

心頭憂悶結規毬,

烏白想毋知想啥,

拖拖沙沙拖沙拖沙,

緊張甲看影生囝,

驚惶的我一時軟汫,

濟濟烏暗來閘路,

予幸福變做幻影,

路毋知按怎來行。

 

我佇冰天雪地走揣,幸福燒烙的陪伴;

我想春天是袂閣來囉,感覺身軀愈來愈硬掙。

沉重跤步踏袂出,家己的路無通行;

茫茫渺渺無依無倚,到尾是一場幻影。

 

月娘已經失去光影,予我路無通閣行;

各種各樣的烏影佇我心內滾絞捙拚,

烏烏暗暗的影來予我:

起憂悶、烏白想、拖拖沙沙、厚緊張、真驚惶,

遮濟遮濟幻影閘路,

飄浪閣飄浪心袂定,

毋知欲按怎行⋯⋯。

 

版權聲明:未經著作權人書面許可,任何人不得以任何方式使用(包括翻唱、翻錄等)。未經授權,本作品禁止用於人工智慧(AI)的訓練、模仿、學習、生成等相關活動。