Pupunden Ati

Duh anak ibu

Nu geulis pupunden ati

Geus bisa ulin

Geus capetang jeung ngopepang

Teu weleh deudeuh

Najan bangor toloheor

Tambah kanyaah

Sarengkak saparipolah

Duh anak ibu

Nu geulis pupunden ati

Ibu ngahariring

Lain hariring birahi

Duh bari nembang

Lain perbawa asmara

Dieyong-eyong

Lain ngeyong teu sabongbrong

Jungjunan ibu

Nu geulis pupunden ati

Duh boga anak

Indung wuwuh mikayungyun

Reup geura peureum

Geus peuting sepi ngajempling

Diayun ayun

Barina dihariringan