姨仔配姊夫（探親結緣）–3 (Explicit)

姨仔配姊夫（探亲结缘）–3 - 杨秀卿

词：杨秀卿/储见智

曲：传统曲调

阿姨你真无意思

定定欲偏恁姊夫

我想欲招你来磨豆腐

抑无来做鼠曲龟

豆腐也真艰苦磨

这款的生理毋通学

生理若有想欲做

你着去卖彼号坩仔坨

我有想欲做生理

照实交代你阿姨

招你一项若欢喜

抑无咱来相佮舂麻糍

欲舂麻糍是艰苦变

抑无来炊揞米甜

彼嘛会使阁

若有欲卖这项物

店仔着开较路边

袂用的喔

路边闹热人经过

姨仔静静听我回

你若有想欲炊粿

咱着蹛房间来共炊

哼 岂有此理

无啰

啥乜咧汽油煮米

彼欲哪会食的 袂食的

哪有这款的代志

你毋知喔

姊夫你真u-lú-sái

欲做生理哪会惊人知

人逐家嘛彼号

较闹热的所在

市草毋才会好 着毋

按呢欲做啥乜生理

你毋知啦

啊 我听无啦

讲话拢无实在

你哪会遮尔仔大箍呆

生理共做房间底

毋知我共你拆白

招你这项看毋抑欲

爱你眠床来去䖙

哎哟 姊夫仔你欲着猴损

讲甲一捾躼躼长

做人哪会遐尖钻

敢欲招阮去眠床

我是看你的所在生真好

讲我尖钻却是无

爱你眠床来去倒

我诚久毋捌食臭臊

你若欲食彼个臭臊菜

市场架仔排规排

毋免讲阮彼个房间内

姊夫啊 啊

你讲话真正伫咧讲东佮讲西

做人敢遮大箍呆

想欲招你做瘦气

你都爱骂我英威

想欲佮姨仔你成双对

恐惊阿姨你推开

姊夫你哪会遮好景

今仔日哪会遐喇闲

这层若欲从你令

惊了会予人批评

阿姨啊 你着毋通推离离

免惊批评你阿姨

若欲讲起恁大姊

一个味所歹薯薯

姊夫你讲话全无想

敢欲佮阮来米糕水

阮姊仔若知欲怎样

咱后日仔彼个名声毋着较芳香

这放心啦

代志咱都恬恬仔创

电火捘化是暗摸摸

啥人知影通好讲

咱也无叫人刊公

这啊 着啦

拍算无人通好喊

做事咱无叫人刊 着是啊

姊夫你讲着遐血汉

人阮的钱空是真絚

着着着 我知影 你免讲

钱的代志毋免讲

我知姨仔你较絚空

钱免你讨家己送

予你食得规世人

有影无影 当然啰

钱欲予阮食甲死

姊夫仔你讲实抑讲虚

啊汝袂使得毋挃阮大姊

佮你明呼甲透机

咱有明呼甲好势

姨仔有船无人撑

做人你嘛袂伤大块

船仔借我撑过溪

船借姊夫你暂渡

我是佮你上大铺

参你咧讲歌膨古

欲招姊夫排阵图