出外的囝仔

天气渐渐又变化 立秋以后已经 无遐热

想起着 遥远故乡的海岸 心内就会 淡薄仔痛

当初出外来拍拼 毋知我的未来 会变按怎

惊我予你失望 惊你替我担心 异乡的路遐阔 欲向佗位行

出外的囝仔 心内难免会孤单 尤其是每逢中秋 想厝的深夜

当初细汉 我有你疼惜我 一点一滴 拢是梦中的温泉

出外的囝仔 心内虽然会孤单 但是真感谢有你　做我的靠山

路较远 因为你鼓励我 我一定 会认真继续拼

当初出外来拍拼 毋知我的未来 会变按怎

惊我予你失望 惊你替我担心 异乡的路遐远 欲向佗位行

出外的囝仔 心内难免会孤单 尤其是半暝三更　寂寞的深夜

离乡的人 袂当甲你做伴 思思念念 叫着你温暖的名

出外的囝仔 心内虽然会孤单 但是我一定全心　顾著好名声

这句话 希望你知影 我一定 会认真继续拼

我爱你……相信你拢知影

我爱你……相信你拢知影