鯉魚精–1

鲤鱼精–1 - 杨秀卿

词：杨秀卿/储见智

曲：传统曲调

列位朋友阮总请

这马欲唸这个奇巧的「官名」

嘿嘿各位你着听予

好呢这是「歌名」毋是「官名」

所以你若来听详细着知影

这个故事着是叫做鲤鱼精

故事着是鲤鱼精

长沙是真好的所在

这位祥滨水池啊抑我报予恁知

一尾鲤鱼在池内

修行有数百年囉阁真正厉害

伊在水中咧修炼

修成正果抑来上西天

修得甲会化阁会变

按呢大细变化彼是真自然

这马三藏奉旨欲去取经

三位的徒弟伫咧随行

来到这个所在三藏一下徛定

哎哟忽然腹肚一阵按呢直直反

我紧叫徒弟仔来叮咛

着叫徒弟吩咐你

就叫悟空嘿来伫遮听通知

你着替我来斗主意

为师想欲上厕池

我知影我知影

这马悟空是应声咧讲我知影

赶快斡一下着起行

这块闪风阁偏僻

师父啊啊无你着来跍蹛遮

嗯这个地点袂䆀都着哈哈哈

哎呀呵咾我的徒弟

你有影好主意啊

呵咾贤徒你的脑智饱

阁有两块石头来通叠跤

边仔阁有物通拦遮

我着放落水中无精差

这马三两个拨手既经今解决好势囉

这个时阵啊我身躯按呢爽快无问题

我叫贤徒啊嘿嘿

师父啊有甚乜吩咐啊

你着听详细因为咱时间紧迫的关系

今着紧行毋通阁蹛遐

坐好啦好啦行喔

我叫贤徒紧来去

你着听我来通知

路头遐远的代志

咱着赶紧毋通再阁延迟

嘿嘿我知我知师父啊啊你着缀我来

阿弥陀佛哈哈哈