姨仔配姊夫（探親結緣）–2 (Explicit)

姨仔配姊夫（探亲结缘）–2 - 杨秀卿

词：杨秀卿/储见智

曲：传统曲调

欸 姊夫仔你讲真抑假

叫阮着配你一个

阮姊仔若知毋真歹势

害阮姊妹仔煞冤家

欸 咱听偷来佮暗去

这款啥人会知机

毋免咧惊恁大姊

若欲虾仔才掺鱼

哎哟 毋通喔

这款代志真僫崁

鱼虾毋通掠相掺

你讲着一日来想甲暗

开钱你敢真毋甘

钱的代志无问题啊

人是着爱予我拣

我共阿姨妳挑明

我若甲佮意乎 钱银我着据伊用

看欲一万抑八千

有影无哎哟

姊夫仔你讲着遐大路

欲开一万八千箍

问你这层的大故

抑无啊 你的生理咧做佗一途

阿姨问我啥经纪

我较早予人倩劗山猪

近来拢咧学掠鳖

照实交代妳阿姨

姊夫头路你着换

免劗山猪去上山

掠鳖籗仔不时捾

冬天蹽水按呢毋真寒

哦 是是是

阿姨叫我着换样

人我嘛予人倩挨粉浆

抑无 人我嘛会做木匠

专门咧共人凿彼号牛乳箱

粉浆也真艰苦磨

姊夫仔的喙较利刀

我是掠猫仔照实报

你有偏我抑是无

欸 讲我偏妳着歹势

交代阿姨妳一个

我三行四行到塭底

乘紲蹛遮伫咧摸田桮

姊夫做人袂顸颟

哪通塭底蹽湳田

抑我报你一项上好趁 甚乜

袂晓通猪哥允来牵

欸 失礼千万哦

阿姨啊 啊无

妳若有饲猪母乎

我才共妳牵猪哥

有无妳着照实报

看妳有饲抑是无

唉哟 阮乎

毋捌饲甲半只猪啦

猪母我嘛无饲

啊铁路人欲叫你去

叫你去共夯铁枝

哎哟 妳哪会按呢

幼点的工夫伫咧赚食

啊若彼号铁枝我都袂晓夯

我专门咧共人注大射

阿姨啊 按怎

妳若欲注乎 我才踮恁遮

欸 无需要

哦 为啥乜

共阮注射着歹势

报你银窟通好耙

高荣犹欠*脬架

讲欲来倩你一个

多谢喔 多谢

阿姨妳真好心行

报我去找高显荣

恁兜若欠囡仔种

我才报答妳恩情

毋免囉

毋免人种放予我

阮兜的囡仔阁规大拖

报你去扫彼号绵仔纸

这款的头路上盖快活

这 我较袂晓啦

啊若绵仔纸我是袂晓扫

若欲别款的我真*

嘛有人倩我去挲草

草若挲好乘紲捏田沟

顸颟查某田无作

欲哪有草通你挲

报你一项阁较好 甚乜

去起前落卖后落

我无后落通好卖

交代阿姨妳一个

嘛有人后手下规把

讲欲倩我共伊雕龙虾

姊夫毋是无才调

毋通予人倩龙虾雕

报你这空食袂了

啊无 袂晓通去蹛彼号爱仔寮

欸欸欸

妳真有影对万国失礼倒转来呢

按怎讲

姨仔妳真*哭疼

报我去蹛乞食营

孜孜人叫我去补鼎

好喙人共我姑情

你会补鼎喔 是啊

姊夫鼎你毋通补

得约去顾墓仔埔

报你这项上软路

去予人倩夯彼号死人箍

毋通拍歹我的名

讲着死人我上惊

我*掠彼号大蛤 蛤仔囝

掠蛤仔我上有名声

姊夫你毋通想这项

一斗外米予你捀

来去阮厝共我摒屎桶

报你这项上好空

报你这项上好空