เนื้อเพลง สาวนักเรียนตำตอ
เพลง: สาวนักเรียนตำตอ
ศิลปิน: ข้าวทิพย์ ธิดาดิน
โอ้ยน้อออละท่านผู้ฟังเอ๋ย
บัดนี้นางสิจาเป็นข้อ
สาวนักเรียนดอกตำตอ
จนได้ก้มกอส่อละนาเจ้าเอย
โอน้อพ่อแม่นางได้ส่งให้
เป็นเงินใช้ส่งเรียน
ขายงัวเกวียนพร้อมทั้งควายบักเถิกตู้
เบิดไวแม่บ่จ่มนางผัดลวงหลอกต้ม
เอาไปให้ผู้บ่าวโตเจ้าเอยนั้นแล้ว
โอน้อเงินค่าเทอมน้องหลอกล่อ
เอานำพ่อเดือนสองหน
พ่อแม่ทนนั่นหวังดี
ต่อยขี้ซียามแล้งหาฟักแฟงแตงเต้า
เอาไปขายส่งตลาด
ผักกาดหัวผักบั่วพร้อม
ได้ขายป้อมส่งลูกสาวเด้น้อเจ้าเอย
โอน้อทางพ่อแม่ผัดแฮงฟ้าว
อยากให้ลูกได้เป็นครู
ทั้งลูกสาวกะเลยถู
ฟ้าวอยากมีคนน้อย
พ่อแม่พลอยอยากมีหน้า
หาเงินมาฟ้าวเก็บส่ง
ลูกสาวทรงแต่อยากท้อง
โตต้องมักหน่วยใจเจ้าเอยนั่นแล้ว
คนฟังบ่แม่นตอแก่นไม้
ตอไฮ่ตอสวนบ่แม่นตอกลางค้าง
บ่แม่นตอกลางบ้าน
อันนี้ตอคนย่านหาจับชายาฝิ่น
ผู้ใดตำกะจนวิน
ผู้สาวตำเกิดหยึ่งท้อง
นอนในห้องวิงเวียนเจ้าเอยนั่นแล้ว
โอ้น้อสาวนักเรียนคือน้อง
ได้มาหลงตำตอ
เลยบ่ได้เรียนต่อเจ้าเอ้ยนั่นแล้ว
โอน้อบ่แม่นตอล้าล้า
ตอบ้าหมู่ผู้หญิง
สมัยนี้ผัดแฮงซิ่ง
โสดซิงซิงแฮ่งตำไว
เอิ้นว่าตอหัวใส
ถูกผู้ใด๋กะจนล้ม
ความระบมรอยร้าว
หัวอกสาวแสนเจ็บปวด
ตอตำรวจมีพิษร้าย
กายใกล้คอยระวังแหน่เด้อเจ้าเอย
โอน้อการเรียนนางเลยพลาดพลั้ง
เสียท่าย้อนตำตอ
สาวนักเรียนได้ตก ม.
ย้อนว่าตอดอกตำต้อง
ได้ไปเรียนอยู่ในห้อง
คนเดียวจนเขาส่า
แม่ได้ฟายน้ำตา
ลูกสาวเรียนเก่งล้น
ผลได้ผัดแม่นหลานเด้น้อเจ้าเอยเจ้าเอย
เกี่ยวกับเพลงนี้ :
เพลงนี้ถูกปล่อยออกมาในวันที่ 11 มิ.ย. 2015, เพลง สาวนักเรียนตำตอ จาก ข้าวทิพย์ ธิดาดิน ที่ร่วมกันสร้างสรรค์ท่วงทำนองและเนื้อร้องได้ยอดเยี่ยม
ดาวน์โหลด JOOX Application และ รับฟังเพลง, ชมมิวสิควีดีโอ และอ่านเนื้อเพลง แบบออนไลน์ได้ทุกที่ทุกเวลา
Tags ที่เกี่ยวข้อง :
สาวนักเรียนตำตอ (โดย ข้าวทิพย์ ธิดาดิน), สาวนักเรียนตำตอ, สาวนักเรียนตำตอ มิวสิควีดีโอ, สาวนักเรียนตำตอ เนื้อเพลง, ข้าวทิพย์ ธิดาดิน เพลง