ฟังเพลง11 HK Rap Up (Full Version)

唔使焦急

Rap Up唔會消失

2010 去到 2011

實 唔少得

一年一度嘅11Rap Up

幽你一默嘅rap up梗係有乜rap乜

個個都話有相有真相

想知真相你要問潘霜霜

因為霜霜影嘅相 張張有峰峰個樣

原來揸張相上C1易如反掌

關機 再開機 換咗用手機

佢話 唔怕死 玩家 玩得起

求期 唔理 Nel Nel 都玩爆你

冠希 就咁玩死自己

每年出道嘅o靚模多不勝數

出寫真個真我想問真係邊度

係不倒胸部定不老歳數

要買你本J圖

不如睇惠比壽麝香葡萄

最叻詠春嘅人係葉問

再叻功夫嘅人都只係凡人

試問凡人點鬥得過天神

仲要係齊天大聖加個二郎神君

詠琪同文尉都嫁外國男友

剩女有救原來剩女仲有巿場需求

有人歡喜就有人愁

有人牽手白頭

有人婚姻到盡頭

柏芝同霆鋒終於分手

俾人不停追究理由

只怪太多花生友

山聰同柏豪愛Rick Owen上身

兩個又爭女人又爭做潮人

山聰係聰明人識離婚爭超雲

爭到超雲 直頭買得起Rick Owen成個人

男嘅愛超雲

女嘅愛超人

洛施唔愛潮人獨愛李超人

可惜灰姑娘都有夢醒時份

母憑子貴換嚟一生富貴逼人

3D玉蒲團關鍵係雷神露點

點知露點變老點

敷衍用替身兩點

再加把阿伯聲 我問你想點

欺騙我嘅導演 誓要你還我兩點

Jessica C無份攞政府6000蚊

所以貪心個600蚊結果官非纏身

我強烈遣責出售嘅佢淫片嘅嗰個人

呢啲片梗係開心share先過癮

Swing以音樂做使命

我哋在此衷心向你哋兩位致敬

鬼馬雙星出名綽頭勁

而家得返單丁

Rest in peace許冠英

唔講唔知學生王子

鄧光榮都係民主烈士

64個時佢幫過300個民運人士

我代表自由願你R.I.P.

王維基挖角點解唔挖林峰

唔通佢嫌亞太區峰峰得chok樣無用

鋌鏗係少女嘅白馬王子

點知竟然係疑似嘅白花油王子

思琦狠撇泳豪迎有錢跳水新歡

點知新歡只係個無水空心老倌

千千嗰daddy係劉家昌老師

一次又一次老套當新意

就算個仔被恥笑佢當無事

我想他的字典裏也沒有放棄

婉曼話do你其實係講點你

咁我都想講 婉曼我想點你

何家一家分身家

何家一家為身家

何家一家不成家

齊整一家係無價

我痛心日本大地震

但係我有疑問

人係咪天災發生最大成因

有人懶有學識

笑師奶盲搶鹽無常識

佢哋搶鹽目的 純粹係對屋企人愛惜

香港好多蘋果迷

不過佢哋唔係迷蘋果批

係迷喬布斯出品嘅一切

因為每次新機出世 班炒家就有錢洗

香港同內地孕婦爭床位

遲啲唔興北上消費 興北上生仔

多得內地嘅大頭奶粉害死人

而家唔興炒黃金個個愛炒奶粉

我對菲傭無歧視

為頭家我知 離鄉別井唔容易

但對於外傭居港我唔能夠支持

唔係自私 而係希望對香港嘅巿民公平啲

想我都好想好似印度阿星

有嘢唔駛做戶口都會多咗七個零

國泰嘅機師唔使拍衝上雲霄

唔使買機票空姐都同佢吹上雲簫

一句擅改土地用途封殺hidden agenda

原來政府咁樣去發展本土藝術文化

菲律賓總統諗住走數

有錯唔認數一句道歉都無

死都唔認錯嘅態度令港人憤怒

我哋唔會停下追討公道嘅腳步

美國要用十年先捉到拉登 如果中國公安出手肯定一年就拉到人

公安個個身懷特異功能 你睇下連蝙蝠俠都俾佢打鑊金

高鐡乘客結果無人到步

全世界目睹鐡路你當寶人命你當係草

政府實施最低工資諗住幫工人

無最低工時措施幫人變害人

老細對工人福利永遠唔關心

打工仔係永遠嘅受害人

江澤民做鐵金剛die another day 王征今次真係要擇日再死

塗鴉少女嘅誰害怕艾未未 曾sir下令全城警察高度戒備

你係怕艾未未定怕自由未死

你嚴打塗鴉定打壓言論風氣

林公公要阻止公投運動

無諮詢公眾

係咪驚無人認同

堵塞漏洞定剝奪投票活動

林公公係謀殺民主嘅幫兇

自欺欺人嘅領導人 巿民至憎

落區視察民情 永遠見唔到巿民

著64Tee嘅通緝犯埋唔到身

黑影纏身隻手攝住係鏡頭附近

去港大校慶學生被禁

小心唔俾領導人見到遊行

記者新聞自由變成自由行

領導人點會親民

你估李克強係李克勤

今年區選建制派大獲全勝

阿爺命令一屋七姓用種票方式取勝

財政預算惹民憤

入面無關心基層

巿民百上加斤

煙稅加十一蚊

咪諗住派6000蚊得民心

取之於民嘅儲備你充其量還富於民

劏房無陽光

窮人無人幫

劏房呎價貴過乜乜山莊