เนื้อเพลง บักหล่าลูกกก
บักหล่าลูกกก - ดอกอ้อ ทุ่งทอง/ศร สินชัย
Written by：บุญล้อม คู่กะสังข์/สวัสดิ์ สารคาม
(พูด) อีแม่อีแม่ ข่อยขอเงินไปเที่ยวงานแหน่
เอาเท่าใด๋ละลูก สองร้อย เอ๊าคือเอาน้อยแท้ลูก
มันจิฮอดเที่ยวบ่หล่า เอ๊าแม่ให้ห้าร้อยบ่ต้องทอน
แงะคือให้หลายแท้ซะนะ โอ้ยกะบักหล่าลูกกกอีแม่น้อ
เอ้าไวจ้อย เที่ยวให้สนุกนะลูก
แต่งโตเจ็บเจ็บ ใส่ซ่งขาเดฟเก่าเก่าคู่ใจ
ยังบ่เน่าปานใด๋ ป้ายขึ้นมอไซค์พาวัยรุ่นเที่ยวงาน
ส่วนว่าเรื่องผู้สาว สิหาจีบเอาเลาะแถวหน้าฮ้าน
เผื่อเจอคนใจตรงกัน เต้นอยู่หน้าฮ้านบ่ผิดพาลผู้ใด๋
ไทบ้านเพิ่นซ่า เพิ่นให้ฉายาว่าบักหล่าลูกกก
บ่เคยได้จับบักจก อ้ายเป็นลูกแหง่อีแม่บ่ให้บาย
บ่ได้คร้านดอกสาว ความหวังผู้เฒ่าอยากให้เป็นเจ้าเป็นนาย
แต่หัวการเรียนบ่ไป เลยกลายมาเป็นหัวหน้าเด็กน้อย
เป็นบักหล่าลูกกก มูลมรดกนาอ้ายท่งบักใหญ่
นอนเว็นเฝ้าหมูหมาเป็ดไก่ จักสิหาไผดอกมาเบิ่งซอย
ถึงสิกินสิเที่ยว บ่เคยเสียงานดอกเด้อเนื้อกลอย
มีงานบ้านใด๋กะไปซอย ย้อนว่ามันมีแนวถอน
เห็นใจอ้ายแหน่หล่า บักหล่าลูกกกคืออ้ายคนนี้
เป็นบ่าวค้างโคกหลายปี เลยคิดอยากมีแล้วเด้อคู่นอน
ย่านไทบ้านเพิ่นเว้า ว่าเป็นบ่าวเฒ่าเฝ้ามูลนาดอน
หากได้เจ้ามาเป็นคู่ซ้อน สิเอามูลข่อนเป็นสินสอดค่าดอง
เป็นบักหล่าลูกกก มูลมรดกนาอ้ายท่งบักใหญ่
นอนเว็นเฝ้าหมูหมาเป็ดไก่ จักสิหาไผดอกมาเบิ่งซอย
ถึงสิกินสิเที่ยว บ่เคยเสียงานดอกเด้อเนื้อกลอย
มีงานบ้านใด๋กะไปซอย ย้อนว่ามันมีแนวถอน
เห็นใจอ้ายแหน่หล่า บักหล่าลูกกกคืออ้ายคนนี้
เป็นบ่าวค้างโคกหลายปี เลยคิดอยากมีแล้วเด้อคู่นอน
ย่านไทบ้านเพิ่นเว้า ว่าเป็นบ่าวเฒ่าเฝ้ามูลนาดอน
หากได้เจ้ามาเป็นคู่ซ้อน สิเอามูลข่อนเป็นสินสอดค่าดอง
หากได้เจ้ามาเป็นคู่ซ้อน บักหล่ามูลข่อนสิยกให้เจ้าผู้เดียว
เกี่ยวกับเพลงนี้ :
บักหล่าลูกกก สามารถฟังออนไลน์ได้แล้วตอนนี้ - บักหล่าลูกกก โดย ศร สินชัย ถูกปล่อยออกมาเมื่อ 15 มี.ค. 2012 นำเสนอโดย ศร สินชัย เป็นเพลงที่สร้างสรรค์ได้อย่างดีเยี่ยม เพราะฉะนั้นอย่ารอช้า คุณสามารถ ดูมิวสิควิดีโอเพลง บักหล่าลูกกก ล่าสุด ฟังเพลงและเพลิดเพลินกับเนื้อเพลง ดาวน์โหลด JOOX Application ได้เลยตอนนี้
Tags ที่เกี่ยวข้อง :
บักหล่าลูกกก (โดย ศร สินชัย), บักหล่าลูกกก, บักหล่าลูกกก มิวสิควีดีโอ, บักหล่าลูกกก เนื้อเพลง, ศร สินชัย เพลง