เนื้อเพลง แปดสองหนคนสองใจ
แปดสองหนคนสองใจ - ปอยฝ้าย มาลัยพร
Written by：พิณ พานทอง
ล่ะแปดสองหน
ฝนมาช้า
อ้ายซอมใจสาวนา
กะทำท่าสิเป็นต่าง
จากเคยให้ความหวัง
สิรอฟังข่าวอ้าย
ขายข้าวได้ไปแต่งดอง
บัดฝนหายจั่งได๋น้อง
จั่งเจาะป่องหาทางไป
แปดสองหนคนสองใจ
บ่ห่วงใยสัญญาจ้อย
เดือนแปดคล้อย
ตั้งตาคอยฝนริน
ทุ่งนาแห้งกิ่นกิ่น
ตั๊กแตนบินเมื่อเดินกาย
ข่าวคนอ้ายฮัก
ขึ้นรถทัวร์จากบ้านไป
เบิดล่ะหนอความหมาย
ที่หัวใจเคยเฝ้ารอ
ผู้เฒ่าเว้าต่อ
ว่าเดือนแปดสองหน
เวียนมาฮอดล่ะมีผล
ให้ฟ้าฝนคือคนบ่พอ
บ่แล้งกะท่วม
คำโบราณเพินบอกต่อ
ย้อนเดือนแปดนี้บ้อ
คนอ้ายรอจึงจากไป
เว้ากันไว้
ปีนี้จั่งได๋กะขอให้คึดต่อ
เว้ากันไว้
ปีนี้จั่งได๋กะขอให้คึดต่อ
ให้นางรอหลังข้าวขึ้นเล้า
สิขอเจ้าแต่งงาน
ถ่าอยู่บ้านดำนาซ่อยคอยใจ
อย่าไปไส
เพราะในเมืองในนา
กะเลาะมาเบิดแล้ว
เคยแน่แน่ว
แล้วเจ้าก็เป็นต่าง
เมื่อฟ้าแจ้งจ่างป่าง
ฝนบ่ถั่งคือตั้งใจ
ใกล้ออกพรรษา
เหลียวเบิ่งนาแล้งเหงาใจ
สูบยาใกล้บ่ได้
ย้านไฟไหม้ตากล้า
ป้านคันแทนา
บักจกอ้ายจนบิ่น
ย้อนนาแก่นปานหิน
อ้ายแทบสิ้นปัญญา
คนในหมู่บ้าน
กะพากันทิ้งนา
รวมทั้งแฟนอ้ายด้วยหนา
คำสัญญาเจ้าปล่อยวาง
รถไถฮ่าง
จอดไว้ฮิมทาง
เหมิดแฮงด้นไปต่อ
ตือกันน้อคือกับบักอ้าย
เหมิดแฮงดั้นต่อนาง
แสนอ้างว้าง
บาดฟังข่าวทางไกล
ว่ามีคนเงินหลาย
มาซ่อยดูแลน้อง
เจ้าฟูฟ่อง
ลอยล่องในเมืองฟ้า
คำสัญญา
หนุ่มนาคงแล้งหาย
แปดสองหนปีนี้คนสองใจ
น้ำตาอ้าย
ก็หล่นเป็นสองครา
ไห่นำกล้าคอยฝนบ่มา
ตายคานาแก่น
ไห่นำแฟน
ที่ลืมฮักแล้วใจแป้วจ่มหา
วาสนาหนุ่มนาคนจน
แปดสองหนเสียคนเสียนา
แหงนเบิ่งฟ้าคอยฟังข่าวฝน
นั่งงอยโพนใจคึดฮอดแฟน
อยากมุดดินแก่นไปหาเจ้า
อยากมุดดินแก่นไปหาน้อง
เกี่ยวกับเพลงนี้ :
แปดสองหนคนสองใจ จาก ปอยฝ้าย มาลัยพร ปล่อยเมื่อวันที่ 4 มี.ค. 2015. ฟังเพลง แปดสองหนคนสองใจ พร้อมทั้งเนื้อเพลงโดย ปอยฝ้าย มาลัยพร. ดาวน์โหลด JOOX Application เพื่อฟังเพลง แปดสองหนคนสองใจ และ ดูมิวสิควีดีโอเพลง แปดสองหนคนสองใจ แบบ online ได้ทันที!
Tags ที่เกี่ยวข้อง :
แปดสองหนคนสองใจ (โดย ปอยฝ้าย มาลัยพร), แปดสองหนคนสองใจ, แปดสองหนคนสองใจ มิวสิควีดีโอ, แปดสองหนคนสองใจ เนื้อเพลง, ปอยฝ้าย มาลัยพร เพลง
เพลงที่คล้ายกัน
ความคิดเห็น สำหรับ เพลง แปดสองหนคนสองใจ (6)
ถูกใใจคับ
มัวขัน
แสบสานลูกทุ่งหมอลำภาคอีสานคับ
ออ
ชอบฟังมากค่ะปอยฝ้าย
มัวขัน
👍