ฟังเพลงสู่ขวัญคนหลายใจ

เพลง: สู่ขวัญคนหลายใจ

ศิลปิน: โอ บุรีรัมย์

เนื้อร้อง: โชคชัย ศิลารักษ์

ทำนอง: โชคชัย ศิลารักษ์

เรียบเรียง: บุญเติม ศรีไชย ออนซอน สตูดิโอ

ฟังหมอพราหมณ์เอิ้นขวัญน้อง

อ้ายบังเสาข่มใจหมอง

ยิ้มให้น้องกับแฟนเพิ่น

หล่านางเอ้ยมันบ่แม่นเรื่องบังเอิญ

เจ้าสาวงานในมื้อนี้คือแฟนอ้ายคู่ฮักกันเด้น้อ

เจ็บอ้ายเจ็บกระด้อแต่คึดว่าเจ้ามีสุข

อ้ายก็ยอมทนทุกข์ส่อยงานจนมันแล้ว

ดีใจนำเจ้าแต่ก็บ่เซาใจหาย

เครียดจนอยากตายตอนที่อ้ายได้บัตรเชิญน้อง

มันเครียดสําได๋ก็ตั้งใจมาช่วยงานดอง

โอกาสสุดท้ายที่ได้พ้อน้อถือซองมาร่วมพิธี

มื้อสันวันดีของเจ้ากับเขาคนนั้น

สิหาของขวัญแบบได๋สิสมศักดิ์ศรี

นอกจากคำอวยพรกับเจ้าสาวของบ่าวคนนี้

ได้มาเป็นสักขีในงานก็เป็นเกียรติใจ

หยิบเอาฝ้ายผูกแขนให้สาวบ่าว

ฮ้ายกวดหนีดีกวดเข้าให้ซุมเจ้าคู่นิรันดร์

เจ้าบ่าวนั้นเพิ่นกะหล่อมีราศี

เหมาะสมกับคนดีผู้คนเขายอย่อง

เขาถ่ายรูปทั้งสองตอนหอมแก้ม

แนมอ้ายแนมเบิ่งแล้วเจ็บส่ำใด๋

แต่ภาพนี้คือหลักฐานให้ตัดใจ

อย่าฟ้าวไหลแข็งไว้เด้อน้ำตา

คิดเสียว่าเจ้าหลายใจอย่าไปง้อ

อย่าคิดต่อปล่อยไปช่างเถอะหนา

เขาบ่ฮักเขาเลยทิ้งคำสัญญา

บอกหัวใจเจ้าของว่าอย่าอาวรณ์

ดีใจนำเจ้าหลายๆ

แม้สิใจหายต่อไปไม่มีงามงอน

วาระสุดท้ายอวยชัยอ้ายขอลาก่อน

ยามกลับเมือนอนฮ้องให้หรือตายบ่ฮู้

ให้ครองคู่ตะผองเฒ่าแก่

สมกันคักแท้ๆอ้ายมันแย่บ่คู่ควร

สิขอม้วนชีวิตที่ผิดหวังหันหลังให้พิธี

ให้สุขี.. สาเด้อน้อง