ฟังเพลงShireg Shireg

Алаг дэлтэй унаган зээрдийнхээ

Амгай юуг нь авч л услаарай

Азай буурал өвгөн аавынхаа

Ачлал буяныг нь санаж л яваарай

Эвхээ хүрэн хөхөлбөр уулсынхаа

Энгэр бэлийг нь дагаж л яваарай

Эвий хөөрхий настай ээжийнхээ

Элбэрэл ачийг нь санаж л яваарай

Харийн нутгийн гүнийг туулахдаа

Хүлэг морио гамнаж яваарай

Хүмүүн олны дунд нь явахдаа

Хүний сайнтай нөхөрлөж яваарай

Саадаг нумаа салхиар ундлаарай

Саран илдээ сахиж унтаарай

Саарыг таних совинтой яваарай

Саадыг давах хүчтэй яваарай

Баруун хацрыг нь үнсээд үдье дээ

Буцаад ирэхэд нь зүүний нь үнэрлэе дээ

Буурай аав л ижий хоёр нь ээ

Буурин дээрээ хүлээж үлдье дээ