Alma (Live) 歌词
Alma (Live) - I Muvrini
Ch'ellu sia lu ghjornu
Ch'ellu sia la notte
Mi cunsuma la vita
È mi strughje lu core
Una vuciata corre
Sottu à una falsa fiura
Di u meiu l'onore
N'anu poca primura
U mio nome hè gia scrittu
Cum'è terra dannata
Soca cum'è delittu
Sò digià cundannata
Da lu mio celu afflittu
Una petra hè cascata
S'è vo avete un rigrettu
Un rimorsu una brama
Pè guarrì lu dispettu
Chì vi dissenna l'alma
Datemi lu rispettu
Pè l'amore di Mamma
Datemi lu rispettu
Pè l'amore di Mamma
Vi prumettu li fiori
Vi prumettu una festa
È i mei l'amori
I metteraghju in testa
Vi prumettu li fiori
Vi prumettu una festa
È i mei l'amori
I metteraghju in testa