宫主刁蛮驸马骄 歌词
宫主刁蛮驸马骄
公主今日乃係我哋俩个人结婚嘅好日子
所谓大登科金榜题名
小登科洞房花烛
如此说公主好应该请为夫入房啦
哈驸马 点吖
你今日嘅驸马爷係点样得番嚟o架
係人都知啦 驸马就更係皇帝封o架啦
若果唔係本公主奏知父王吖
你想做驸马都怕几难啦
哦
如此说来 应该你请本公主入房至啱吖
你有冇搅错呀 男人大丈夫七尺昂藏
我就算冇七呎都有六呎吖
冇六尺都有五尺八吖
叫我请妳入房你哋话请唔请啦
唔请几大都唔请一百个唔请一千个唔请
好嬲呀
原则上你即係唔肯请本公主入房啦
我话咗唔请o架啦
激气激气令奴难下气
点愤气相请你 点愤气相请你
妳不请我就唔呀唔入去 对唔住夜啲啦
夜啲夜啲风勐就冷到你死
哦我死丫我死我死就需要妳执手尾
等妳等妳就成世独守香闺裡，
嗰阵要搵人共妳冚被啦 哈
我未必要你
我未必要你 大可以离异
我未必一定要有妻子
你负爱负约不怕死 怕你未敢逆我君圣旨
喂前程尽弃 好应快快离异
你咪当閒事 你太不是你太不是
你太不重礼仪
喂妳妳妳妳未识情义
实在无味 实在无味
你应该要尚记起 应该要尚记起
我有话过o架我要你受气
我为咗爱妳 就立乱骗妳
等妳嫁入我屋企
一于我论正家规将妳训示 怕未
旧约推翻你都要顾住
好嬲吖 妳即管愤怒 我一于係少理啦
乜得咁易 你应该共我面君再辩词
好吖我同妳去面帝皇判交一死
你真係够胆同我见父皇
点解唔够胆吖
我係皇帝女吖 皇帝都要就我几分吖
我够係驸马咯 你当我腐竹吖
哈你你你虾我 生白︰虾你又点吖
若果你若果唔肯请我入去 我就自己入
你响外边谂清谂楚啦你
喂喂公主咁就入o架啦
哇呢度乜鬼嘢门嚟o架
嘭一声咁就闩咗
闩咗门o架啦
佢就精吖一句唔该走入去高床暖枕
淨番我喺度捱冻
唔係啦唱两句歌仔引佢开门都好吖
人一个都确係无收科
人哋话新婚甜蜜好似秤不离陀
喂我就晚晚孤寒真係恶过
点解你好拣就唔拣拣着呢个新郎哥阿哥
冇乜反应o架喂
你有你唱啦佢高床暖枕吖
唔係啦 俗语都有话啦嘛
两公婆打交床头打交床尾和
我唔洗床尾我床中间就和啦
一于拍门就有房瞓啦喂拍门啦
公主开门呀
边个呀 驸马爷到吖
除非你叩头认错啦 唔係呀麻
唔係你就快啲躝尸呀
哎吔仲要叩头认错先有得入房吖你唔死我死囉
真係奇奇奇 娇妻叫我话去躝尸的确係奇
娇妻叫我话去躝尸的确係奇
你係都唔认错就冻到你死啦
咁样搞法确係奇
公主良辰容易过就良辰容易过噃
妳乜咁笨唔愿理妳真激气
夫妻斗气讲和唔容易
共订白头时常闹吓
咪当耍花枪根本无问题
若果时时就你 最好吖
虾我激我一世咁就难下气
我都不想理啦
公主我哋我哋夫妻要和气亲蜜
你莫过存心谷气得o架
你个冤家真正係太奀皮 开门吖
其实俩公婆激乜鬼气喎
我共你讲得咁多费事成成日费心机 嚟啦
唏呀嚟啦
前世
呢嗱我哋我哋俩夫妻
相亲相爱到白眉