13 HK Rap Up (Full Version)

13 HK Rap Up (Full Version)

又到一年一度今日 大家等得好心急

记住有马米就有Rap Up

一年一rap up呢个美德唔会消失

今年嘅rap up听完帮手share得唔得

一讲刘江点可以唔讲呢啲

呢句绝对系本年度金句就系人都知

老表你好嘢捧红咗细细粒

既然细细粒都得 肥B你一定得

香港无BIG BANG但系有港版G-DRAGON

踩唔死嘅曱甴扮权志龙结果似龙心

佢都系VIP 全名 VERY IGNORANT PERSON

有舖抽水瘾 多谢靓抽我帮我上新闻

张家辉爆肌拍激战搞到港男争住练人鱼线

杜汶泽为拍戏要操肌同AV女优激战

柏文同Jenna宣告甩拖

呢单真系rap up唔提都唔记得咗

据闻谢婷婷狠撇安志杰

天造地设最终都系理想幻灭

陈法拉默认7年情已逝

仲用旧爱座驾归爱巢究竟系咩关系

如果要同女友表达爱意

学林峰讲好爱好爱好爱好爱好爱好爱好爱BB

陈山聪惨失豪门入场卷

四失烈士失业失形象失财失恋

阿Gil异地恋实在太长距离

所以结果都要分开同Mr. K

余文乐估唔到有独特个人品味

边有人估到佢竟然会同吴雨霏

霆锋今年桃花真系多到你唔信

呢头传完Janice Man?头又传佢同周迅

城城同熊黛林分手

苟云慧叶熙琪边个攻城得手

广告都话天机不可泄漏

少爷占今年自爆7年前结婚

嚟紧马年仲会做Daddy我戥你开心

李惠敏同英籍男友完婚

希望最后唔会俾人一刀插入佢心

soler大孖Julio娶到台中市长千金

咁都俾你娶到真系有啲运

蒙嘉慧恭喜你 郑伊健终于娶你

我代表成个铜锣湾恭喜你哋

汪圆圆嫁俾蔡加赞

成功需苦干洞房辛苦干一晚

可恶陈豪搞掂我女神陈茵媺

鬼唔望日日饮咖啡饮到你便秘

Sammi同许志安终于将爱情圆满

呢个时候梗系最啱听番首天生一半

今年娱乐圈喜事多到飞起

仲有好多结咗婚嘅讲声恭喜恭喜

好似滕丽名yumiko车婉婉杨采妮

轮咗咁耐都终于轮佢哋

结完婚当然后要生个BB

好多人今年仲做埋Daddy妈咪

人数太多唔喺度逐个数一次

总之一次过祝大家有个快高长大嘅baby

Avis高调拖Yumi同娜姐示威

原来奸夫淫妇真系有样睇

有吕慧仪做老婆仲要黑手甲小三

我系佢老公就晚晩陪老婆慢慢玩

江欣燕同吴jackson已经离婚

最可惜系失去一段12年嘅婚姻

王菲李亚鹏始终有缘无份

我谂王菲以后要改唱容易离婚的女人

白韵琹自爆有名无份唔算夫妻咁济

肯定因为佢老公忙住做佢嘅西环契仔

做人别太罗钧满

七线当三线你未免太自满

一句Paul Walker Rest In piece

唔觉意打错字做咩系要恰我嘅shiga bb

Paul哥微博怒爆老窦

正所谓家和万事兴相嗌唔好口

梅姐遗物被拍卖惹争议

人去茶凉一切都系钱话事

迷幻超盈神情迷茫系铜锣湾仆亲

因住激亲父亲何鸿燊家产无得分

志伟辞去演艺人协会会长

你话边个会继任会长先系最理想

苏杏璇信佛相信已看破红尘

抱住善心佢今生已经无憾

刘家良过身武术界失一名一代宗师

代所有嘅乐迷愿陈僖仪Rest In Peace

粤剧名伶红线女离世

遗下太多粤剧经典流传后世

15万上酒店唔使性服务咁嘅job都接

?模被奸劫都算自作孽

柏豪疑似有淫照风云

原来只系人有相似FANS可以放心

但系张暖雅就无咁好运

流出祼照仲被爆同胡耀辉秘婚

而家书展啲?模真系痴矖线

有人为宣传写真又漏M又凸点

AD2飞钉露晕越玩越癫

可惜唔使半年就消失于人前

GEM唔支持游戏制度都仲叫了解

但佢唔明梁振英点解要下台令人费解

甄妮批评阿GEM无打招呼无礼

但咁嘅小事咬住唔放真系小气过马米

7.1. 维稳show揾Mr Rubberband唱歌

下年不如请朱主席唱从不喜欢孤单一个

李纯恩弹词人唔识中文乐坛已死

我话你广东话末讲正做主持粤语已死

变形金刚都俾人收陀地

我都话古惑仔先系地上最强人间凶器

讲电影一定要讲狂舞派呢套杰作

多谢你哋将香港嘅Hip Hop带到大银幕

Juno首次执导嘅彊尸成绩一流

我哋支持Juno永远做幕后

DaDa赢金像奖话有情绪病退出

潜水三个月又开记者会话复出

亚视洗脑班你旷课会被炒

唔知亚视学搅到搞仲有咩可以教

织织复织织 盛品儒终于被逼离职

亚视有今日全靠佢同王征骑尼行事方式

无线东张西望报导偏颇俾人噪

亚视个ATV焦点报导更加离谱

节目嘅质素 内容嘅级素

结果惹嚟几万人嘅投诉

冲上云霄俾我梗系拣做Cool魔

因为可以食女食完一个接一个

郑弘俊赢星梦传奇靠唱得好听

放心以后啲人肯定嗌得出你个名

报导新闻报到上娱乐新闻

原来新闻小花互相勾心斗角咁大竞争

王浩信挨23巴 多咗兜巴信呢个花名

真人show求爱大作战 入面嘅绿魔最正

民选港姐陈凯琳促特首听民意

王子华视帝田蕊妮视后系民意展示

叻哥游世界数你即刻做富豪

成套嘢最好睇就系三点式Carol

TVB如果唔想大家熄电视机

我提议现场直播叻哥系将军澳跪返屋企

May姐有请请你食鸡汁鸡汁都唔少得

哈哈哈哈 有无人知May姐笑乜

TVB封杀壹传媒系无限期

嗱TVB呢啲咪叫做霸气

政府无正视民意无视香港电视

一句三拣二就唔发牌俾HKTV

封杀港视因素系一篮子

12万人到政总抗议 一名中国籍男子

迟嚟先上岸无线成功注册台徽

但系HKTV早过人申请迟迟唔批

拒绝发牌原因 细节不提

话行会保密原则 所以唔可以破例

以为维基会放弃搞免费电视

转头佢收购中国移动流动电视子公司

无咗免费电视索性搞流动电视

电视新历史今年7月1日开始

14巴港女掴到条仔跪低

为香港女士争光 将港女威名扬威国际

WeChat美人计靓女氹你买伦敦金

宅男摇一摇就咁摇走几万蚊

如果神魔之塔咁样都唔算抄

咁同话大陆系无山寨货一样咁胶

点解中环Starbucks冲咖啡要用公厕水

因为咖啡啲颜色同公厕水同色水

潮苑牛丸冇牛肉一样咁好味

所以海天堂龟苓膏无龟有咩咁出奇

吓亲东来居餐蛋饭卖128蚊

少年食神真识食佢食水食得深

讲到超强台风天兔有几西利

天兔不似预期以为有假放结果得半day

香港大球场疏忽管理草地变大烂地

唔通为搞泥酱摔角做好准备

好哋哋囍帖街放名做囍欢里

谂?个我想请你食包卤味牛欢喜

尖沙咀巨型 吹气 橡皮 黄鸭

启发西九九唔搭八整吹气屎同曱甴

Gary考获9A状元成绩

为梦想揸巴士佢宁愿放弃高薪厚职

港大抗癌斗士用佳绩走完人生

佢燃烧生命用经历去激励其他人

北河烧腊饭店系穷人爱心饭堂

老板明哥用派饭为穷人送上希望

高官话扶贫全部大只讲

有几多似明哥以身作则落区探访

牛下女车神李慧诗呢两年成绩骄人

旧年伦奥夺金今年世锦赛首夺世界冠军

九龙城拐婴案 原来妈妈先系真凶

忤逆仔扮孝顺谋杀双亲 真相掲盅

埃及热气球爆炸9名港人丧生

估唔到开心嘅旅行会遇上不幸

北角五州大厦起三级火

7人命危系太多宾馆同㓥房之祸

特首笑口噬噬对住阿基诺三世

疑似同意放低人质事件特首系吴三桂

三年嚟菲律宾道歉赔偿只字不提

我哋发誓香港人会将公道追讨到底

易小玲台湾成功重建下颚

恭喜手术成功 今次真系饮得杯落

中港矛盾因各式纷争日益加深

要奶粉无奶粉 香港BB无奶饮

港童想有学位读书排队前要拜神

无歧视新移民但综援系属于香港永久居民

离谱嘅终审 本土福利被瓜分

双非同一签多行系一切嘅起因

家是香港但而家兴移民

家是香港呢句净系啱新移民

圣心商学书院差啲要停办

Angelababy都系出自呢个秘书摇篮

著名文学家也斯离世

患病佢仍然坚持创作我向你敬礼

HMV申请破产我差啲吓破胆

以为以后无HMV得H&M咁惨

终审法院裁定变性人可结婚

希望有一日社会会接纳同性婚姻

荔枝角基真小学10歳女生堕楼丧命

最震惊校方出事时竟然唔即时报警

Uncle标养咗只叫Tommy嘅野猪仔

我都养咗只叫Tommy嘅小强爱搏出位

今年大屿山有人公路撞死8只牛

好彩好快捉到残忍嘅杀牛凶手

顺天邨猫猫被四名人渣杀害

最后判决监禁16个月系应有制裁

美国间谍斯诺登系香港现身

踢爆美国大规模监控全球网民私隐

玛丽医院换错心差啲累死病人

好彩好快揾到原因 帮病人扭转乾坤

院方下次真系要小心

唔系次次都好似今次咁好运

旺角John Lennon 街头表演官非缠身

唔使imagine都知系香港系 there’s no heaven

行人专用区有队街霸3L乐队

霸街恰聋人系乐队界败类

陈振聪被判监12年衰到贴地

又话系风水师睇到人但系睇唔到自己

港鐡爆电缆将军澳线瘫痪半日

为表歉意应该全港免费乘搭三日

港鐡车长一路揸车一路挫指甲

唔知以为车长佢秘捞做修甲

好彩港鐡有品味识揾我拍广告

所以全面提升乘客嘅礼让指数

政府首设官方贫穷线

咁好清楚香港人有几多输系起跑缐

假嘅1千蚊有8成像真我无担心

因为我穷到全身加埋都冇1千蚊

耗资82亿搞启德邮轮码头

点解唔用呢笔钱帮香港贫穷人口

边个白痴谂到发展郊野公园用地

唔够地地产商起豪宅政府就咪鬼俾

政府出双辣招话抑压楼价

但点解啲穷人恩物仲系几百万标价

港人港地讲嚟都嘥气

总之讲到尾有咩政策排十年都未排到你

财爷饮咖睇法国电影自称中产

我想请月入37万嘅你食杏仁加个橙

小店走投无路 一街名店药房金舖

香港啲租实在贵到离谱

sogo后面利苑粥面都系因为

加租加Double先至搞到无得做

国际大牌LV小器过方丈

发型店用啡色格仔皮话要告人要赔偿

李嘉诚盛传卖百佳系为撤资走路

我唔信你去第二度仲有皇帝你做

40日嘅码头工潮工人大罢工

97年之后工人无加过人工

老细老冯工人奉旨连续做24个钟

点解劳工及福利局长张建宗会失踪

李思嫣反占中成立正义联盟

但明明佢班牛鬼蛇神系邪恶轴心

爱国女神又点少得陈净心

佢一出声系人都想㩒佢静音

系人都知讲爱国唔少得马大律师

因为佢系立法会声明I’m freaking Chinese

林慧思老师一时失言都系为咗公道

道歉声明后仍然惨遭爱字头欺凌煎熬

广播处长邓忍光对港台辣手整治

你同我讲背后无政治目的你当我弱智

李慧玲被调职我提议搞个新节目

不如揾埋志云大师开个叫做左右饭局

前廉政专员汤显明用公帑开餐

难怪送牛腩鱼蛋佢都视作等闲

张震远因商交所被调查辞职走人

麦齐光呃租金津贴判缓刑算你好运

陈荗波同太太嘅家人玩囤地上新闻

丑闻冇人要处分 系咪有人包庇下属恶行

今年最hit系一只叫路姆西嘅宜家公仔

好似隐喻梁振英同林郑嘅关系

长毛唔掟鸡蛋可以考虑丢公仔

下一齐睇佢丢梁振芵路姆西

刘梦熊系周刊爆梁振英大获

话佢违背当选前嘅承诺

之前讲委任佢做行会成员 而家侧侧膊

揭开兔死狗烹嘅黑幕

梁振英班子丑闻接连不断

多名问责官员个个争住跳船

曾经粉丝刘梦熊都话佢猪肚反转

得林郑仲心甘情愿同佢跳火圈

特首又话会争取普选

政改咨询系鸟笼不断兜圈

有筛选嘅普选即系阿爷选无我选

呢件事冇弯转我哋意愿系全民投票真普选

你惊占中系惊人民占上风

但我哋嘅意见你偏偏当耳边风

讲普选我哋净系要一种

无筛选全民投票嘅普选先系正宗

次次特首落区听民意都使黑手

佢嘅支持者个个金毛讲粗口

加个丢水樽嘅小朋友

疑似黑势力插手 唔通689系洪兴嘅领袖

我谂我都系要收番呢番言论

费事佢又用私人名义向我发律师信

不过平心而论起码证明为咗 HK Rap Up 我真系可以去到好尽

2013我推出流行反击战

得到各方支持同推荐感激无言

我会坚持信念 继续散播Hip Hop理念

新嘅mixtape同新专辑好快同你见面