英台曬奶（三伯英台遊西湖）–2 (Explicit)

英台晒奶（三伯英台游西湖）–2 - 杨秀卿

词：杨秀卿/储见智

曲：传统曲调

做阵行来甲猴洞

看着内中暗摸摸

牵哥的手那咧讲

你看踮遮并无一丝风

英台招哥咱入内面

（哦内面欲创甚乜）

梁兄你今着是阮的爱人

（哼囡仔擘涂豆啦爱仁）

伫遮肃静无要紧

咱来踮遮歇睏才起身

哈哈哈哈贤弟啊贤弟

你阁到遮欲停步

无想内中暗摸摸

爱人仔毋着爱有查某

你我平平是查埔

唉哟梁哥你毋蹛遮坐

每次见招你都见推

敢有久居蹛这块

咱尽阁做堆是这月

好啦好啦

你的心肝莫甲遐尔仔荒啦

哎呀你有影真正佮人不相同呢

痟某毋是痟这体形的啦

行啦赶紧咱阁来去别位看

（好啦好啦）

这马做阵行出猴洞外

叫哥免行伤大伐

今来行出甲这个外面

梁兄做前行甲遐尔诚赶紧

小等一下啦

梁哥你着小等我

人我有话共你讲呢

（今是有甚乜话啦）

欸抑无你是共我叫按怎

怎样仔叫我来行较宽

抑花园咱犹袂去看

等咧三延两延日落山

哎实在有影敢若呆头鹅咧

见讲逐句拢听无

好咯我着毋相信

我阁用一步予你看觅仔一下

英台停跤想计智

叫哥慢行小延迟

（是欲创甚乜）

你看你看停跤请等恁小弟

人我有话欲共你通知

抑无你是听无我共你讲

咱着爱紧来去看

毋拄好乎彼花园看袂煞

日头暗咱欲按怎转去

着啦梁兄

这马英台停跤计着用

叫哥慢行小可停

跤伐几步看光景

你看小弟仔有物伫胸前

欸欸欸哎呀

我三伯着问祝贤弟

抑无你是欲报我看啥乜个

胸前毋钮按呢激裼裼

啥人毋知你肉遐白

听哥你说情着尽

想欲拆白共伊讲予真

梁兄来啦伸手来摸无要紧

小弟仔胸前两粒奶

哎呀恭喜啊

（恭喜恭喜甚乜）

嘿嘿嘿嘿三伯听着喝恭喜

贤弟的肉白如丝

人讲男人大奶是有福气

抑若女人大奶着是有孩儿

小弟仔你

这马转骨伫咧肿奶子

赶紧咧转去共恁老母讲

绁落去共恁老爸仔han-nóo-sí

嘿嘿准备通好来娶妻儿

娶唉娶你一箍头啦

气死人好啦行啦

这马两个着按呢嘪嘪掣掣咧

行咯

这马三伯伫咧讲

贤弟啊你毋通按呢啦

讲东讲西是真正歹名呢

阁歹听啦

你无想看觅

咱两个平平仔是仝款的呢

欸啊你喔较差不多咧啦

嗯 好啦好啦抑无

咱来去看花园啦

嗯好来去看花园

歹势这马欲去看花园乎

啊都讲一寡百花尔尔

这着无甚乜趣味啦

按呢着到遮共截止感谢诸位