สาวอำนาจเจริญ 歌詞
สาวอำนาจเจริญ - ข้าวทิพย์ ธิดาดิน (Kowtip Thidahdin)
Written by：สลา คุณวุฒิ
คิดฮอดเหลือเกิน
อำนาจเจริญที่จำจากมา
คิดฮอดสัญญา
ใต้ต้นมันปลากับผู้ลางคน
ฝากใจไว้ชัด
สมัยเรียนมัธยมตำบล
จากมาดน
แต่ยังอยู่ในความจำ
งานบุญเดือนสาม
ไปเที่ยวฟังลำนำกันม่วนหลาย
ขอพรพระใหญ่
มงคลมิ่งเมืองให้บุญคูณค้ำ
เที่ยวภูจำปา
สงกรานต์ปีนั้นเบิ่งลานหินงาม
คือภาพจำ
ที่ทำให้มีแรงใจ
อยากกลับไป
หนุนตักความฮักที่บ้าน
แม่กอดรับขวัญ
พ่อลูบผมพี่สาวยิ้มให้
ผูกแขนจากคนบ้านเฮา
ด้วยฝ้ายขาวเส้นใหม่
เดินเบิ่งฟ้าใส
ให้ลมพัดใจไต่คันแทนา
คิดฮอดเหลือเกิน
อำนาจเจริญแผ่นดินถิ่นฮัก
เก็บฝันแน่นหนัก
ห่อด้วยฮักฝากวันเวลา
ได้ดียามใด
บ่รอให้ทวงดอกหนา
ลูกสาวหล่า
คนนี้สิคืนบ้านเฮา
อยากกลับไป
หนุนตักความฮักที่บ้าน
แม่กอดรับขวัญ
พ่อลูบผมพี่สาวยิ้มให้
ผูกแขนจากคนบ้านเฮา
ด้วยฝ้ายขาวเส้นใหม่
เดินเบิ่งฟ้าใส
ให้ลมพัดใจไต่คันแทนา
คิดฮอดเหลือเกิน
อำนาจเจริญแผ่นดินถิ่นฮัก
เก็บฝันแน่นหนัก
ห่อด้วยฮักฝากวันเวลา
ได้ดียามใด
บ่รอให้ทวงดอกหนา
ลูกสาวหล่า
คนนี้สิคืนบ้านเฮา