光棍王夜枕筲箕

光棍王夜枕筲箕 - 盧海潮

怨恨老豆

因乜將我生成

賤到去街旁痞

識性後去做插手

兩餐飽暖重要嘆茶樓

至弊夠豐阜所以滾三滾四

周時又去飲花酒

今悔恨 我落錯手

作巖一個鯉魚頭

個陣就有修

送官我被扣留呀

捱苦透 覺得坐監似木頭

我既眉頭皺皺

我今失去了自由

早晚只有暗淚流

幸逢結拜知心友

教我來學老千

我出監之後轉地頭

個陣我就充裕有咯

響處四圉吼

專呃個的闊少

與共騙名流

豈料上的山多

又落個老虎穴

估話鷓鴣容易僸

點知僸錯個只大斑鳩

俾佢識穿計謀

當堂失手

拉去公堂定罪

再作楚囚

監禁滿期 經已名譽臭

全無生計 逼得要楂兜

享過甘耐風流

折墮真系難難難難忍受

晚晚枕住筲箕哩去訓教咯

俾的霧水淋頭

我今世作歹為非

識個班豬朋狗友呀

希望時間兒童多教育

免至日趨下流