24

24 - 農夫 (FAMA)

詞：6 WingC Kwan

曲：Clinton Sparks

如果人生系得返廿四小時 你會有D乜嘢表示

好似乜嘢都只不過系小事

到底系咪會諗返 幾廿年之間

有乜嘢值得比較記住 有邊次活得比較有意義

由細開始要勤力D 考好D試

我聽過唔止一次 全部人口供一致 話我知

入得到大學 拎到張沙紙

入間大公司 攞到D銀紙

先可以先可以叫做成功人士

系邊個話我知 要咁樣做人先至算繫有意義

一出世開始 呢一個標準就係最高嘅指示

每個人都只系棋盤入面嘅一隻棋子

到你死嗰日 邊個可以百分百忠實表現自己

嗰日 淨系諗住八就八終日搬弄是非

嗰日 勤勤力力 營營弈弈

飾演好你自己呢一個角色

飾演到尾問你點解咁落力

好似每個人都無靈魂 repeat又repeat

每一日都日復日系為咗 易d又易d

應付月頭月尾嘅每一張 receipt又receipt

為咗所謂嘅康莊大道 我哋一直做一直做

一隻做咗十年 二十年 人生有幾多個十年

有幾多個人有幾多個夢想從來味噌實現

最後今天就算要離開呢個世界 幾大就幾大

呢廿四小時一定要活得痛痛快快

就到盡頭 你會點樣走

系咪會以後 去天國漫遊

定系會逗留 逐秒祈求

生死冊寫錯手 你時辰未夠

就到盡頭 你會點樣走

系咪會以後 去天國漫遊

定系會逗留 逐秒祈求

生死冊寫錯手 你時辰未夠

如果你知 生命只系得翻廿四小時

你想你嘅故事 重新開始定你覺得系一件小事

無所謂 反正無得留底 等時間流逝

定系趁離開人世之前 留低一番作為

諗住閂埋房門 攬住啲動漫 對足 電腦一晚

定系打開窗睇多一眼 個世界系咁燦爛

你仲系最關心 邊位天王天后 結婚

定系你突然想睇真 從來唔上心嘅父親母親

再肉麻 嘅說話 唔駛再 放喺心

想辱罵 你盡情去馬 唔駛再怕 有手尾跟

你會問你愛人 卿卿我我 聽聽風看海

定系輕輕的我走了 正如我輕輕的來

自己避開 自己離開 唔駛人哋為我默哀

定系要公開為你哋俾我嘅愛講聲唔該

搵朋友 飲下酒 歡送我就嚟走

定系唔能夠搵到位真正朋友喺最後聚首

最後最後 要死有幾奇 人生好比場嬉戲

唔捨得 你哋陪我走到嚟

末期末期 床邊好多親朋收到好多慰問

帶走好多遺憾

在生為咗維生 來生系咪咁

It's ok ok 我可以犯法 所有罪無畏懼

但系無辦法 抹走為我留嘅 眼淚 眼淚

好似一個rapper突然變啞

淨低一堆說話同埋廿四個bar

就到盡頭 你會點樣走

系咪會以後 去天國漫遊

定系會逗留 逐秒祈求

生死冊寫錯手 你時辰未夠

就到盡頭 你會點樣走

系咪會以後 去天國漫遊

定系會逗留 逐秒祈求

生死冊寫錯手 你時辰未夠