Gabriel, Fram Heven King

Gabriel, Fram Heven King - The York Waits

Gabriel fram heven king

Sent to the maide sweeter

Broute hir blisful tiding and fair he gan hir greete

Hail be thu ful of grace aright

For Godes son this heven light

For mannes love wil man bicome

And take

Fles of thee maide bright

Manken free for to make

Of sen and devles might

Mildelich him gan andswere the milde maide thanne

Whichewise sold ich bere child withute manne

The angel seid Ne dred tee nout

Thurw t'holigast sal been iwrout

This ilche thing

Warof tiding

Ich bringe

All manken wurth ibout

Thurw thine sweet childinge

And ut of pine ibrought

Maiden-moder makeless

Of milce ful ibunde

Bid for us thim that tee ches

At wam thu grace funde

That he forgive us sen and wrake

And clene of evri gelt us make

And heven-blis

Wan ur time is to sterve

Us give for thine sake

Him so heer for to serve

That he us to him take