小城記

Verse 1:

好耐以前喺好遠嘅地方有一個村莊

所有人暢所欲言生活平凡健康

每日努力下田爲農作物而繁忙

直至黃昏仰望天空嘅暮光

爲左方便生活種種活動開始活潑

發展變得蓬勃生活不再變得一般

人越多爭執越多錢越多欲望越多

貧富變得懸殊釀成更多人禍

爲左平衡紛爭平衡所有人維護平等

村長就應運而生不分窮人定大亨

系村民都有份選出代表自己值得信賴嘅人

維護自己付出嘅辛勤

但系權力令人腐化慾望令制度出現變卦

利益傾斜向地主商家漸漸規則都改變

由有錢嘅商家選出人選代表大家

村莊唔再系一個平等嘅家

Chorus:

小村莊發展成一個小城

過程骯髒盡顯邪惡人性

This city is dying

This city is dying

Verse 2:

村長成爲爪牙又點會願意聆聽基層村民嘅喧譁

慾望系人性擁有更多隻會爭取更多

無止境嘅慾望印證貧富嘅形成無人可以否定

坐擁資產嘅人又點會願意分一杯羹

又點可能放下掌控權力嘅帥印

一直被服侍嘅人又點會明白下人嘅艱辛

又點可能努力改變佢地嘅命運

無法否認世上有良心嘅慈善家

但事實證明富有嘅人當中更多系人渣

苛且生活嘅人數量成沙當權者品茶賞花

就話自己服務大家

村長繼續着眼村莊嘅大利益

而大利益只系確保地主商人無被壓抑

得到權貴賞識生活自然過得舒適

繼續喺慾望之中盡情放肆盡情沉溺

Verse 3:

當村民睇大病要等數不清嘅禮拜

當村民去工作數不清嘅超時疲態

當村民買石屋要孭數不清嘅欠債

當村民嘅生活開始盲目變得奇怪

對比石器時代村莊已經比上一代幸福

唔受飢餓虐待大家理應值得慶祝

但經過每年辛勞嘅一步理應大家生活進一步

努力付出應該令生活可以更滿足

但系村長坐往馬車感受村民行嘅長途

村長往系城堡想象村民往嘅籠牢

村長品茶賞花同商家討論村民嘅前途

安逸嘅生活又點會明白村民嘅哀嚎

當村長未經歷過生活壓迫未被權貴壓抑

又點可能發自內心爲村民爭取權益

就算村長被揭發腐敗嘅事績

村民都無辦法保衛自己應有嘅權益

Verse 4:

究竟資源充足嘅社會

點解仲系對問題視若無睹

掌控資源分配嘅人被利益支配接受行賄

無視貧困基層嘅控訴反而爲權貴服務

憤怒嘅村民將不滿化成塗鴉

但越黎越多嘅村民選擇做一個啞巴

安逸嘅村民只會覺得反對嘅人系傻瓜

問題留番俾管治村莊嘅所謂政治家

當一切都再無希望

有村民寧願失去自由都要反抗

爲左表達不滿嘅怒火不再顧及後果

文明嘅時代犯事就係過錯

犯法必需要承擔應有嘅後果

但系最可悲系現況未曾改變過

權貴繼續代表村莊發表成果

貧困嘅人繼續忍氣吞聲默默渡過

能夠生存嘅村民視而不見聽而不聞繼續遊蕩

Outro:

未來到底是福是禍

萬物一切都有因果

未來到底是福是禍

小城嘅結局到底會如何