細佬哥 (Outro)

作曲 : 陳奐仁

作詞 : 林海峯

某一年一班剛剛考完會考同學約埋一齊唱k

流行曲唱到一半時候

其中一位朋友問隔離位一個問題

餵你估嚇二十年後今日我地會變成一個咩人呢

二十年後可能已經變成一個西裝骨骨中環人

手帶勞力士銀包有好多張信用卡

放工時候就一齊響酒吧度

一邊望住個煙灰盅

一邊就望住隔離台個女仔

睇嚇條裙幾時會走光

二十年後大概終於會買個部好想擁有既汽車

但系仲有二十幾期要供

二十年嘞應該轉過好多份工

識做野越越多

但系同時發覺學識越越少

睇個時間間唔中可能會去嚇gym

但系做做去都系減唔到個肚腩

當然二十年你間唔中都會諗起一段

一路都未能放低感情

女朋友越越多但系愛越越少

細路哥

你得到什麼

你失去什麼

你知道

What are u looking for

大概個時候可能會有身邊親人離開

而繫個陣時你會有好多講唔出口遺憾

同時間你會發覺原來人生已經過一大半

同年終於結婚嘞

用左半生積蓄俾左一層樓首期

有車位有泳池會所

娛樂越越多但系快樂越越少

兩年後可能會離婚

回覆單身之後一個晚上一個人系牀上面

揸住個搖控不停轉枱食兩粒安眠藥

跟住點起支薄荷煙

然後流一滴自親人離世之後眼淚

突然之間你又諗起響二十年前

你係一個咩人繫個一晚

一大班同學約埋出唱k唱到天光

仲記得繫個朝返到屋企時候

打開門響枱面見到有一碗屋企人留低湯

碗湯已經凍佐