Hate Me (Feat. Jerald)

Hate Me (Feat. Jerald) - MastaMic

詞：MastaMic

曲：Big Sammy

編曲：Big Sammy．DJ Galaxy

監製：MastaMic．Big Sammy．DJ Galaxy．Jerald

你係憎我 你要憎我 有幾多人憎我

當越多人識貨 越多人攻擊我

系你哋逼我 將你哋逐個 擊破

你唔鐘意我 我都唔鐘意你

你唔鐘意我 我俾隻手指你

唔理你鍾唔鐘意 總之我冇時間理你

我理得你哋死 理得你哋系咪憎到我死

我知你想我死 偏偏我大難不死

系要死番嚟對住你哋督眼督鼻

睇住你Chok住條氣 仲要同我講恭喜恭喜

脆脆哋 豪俾你 我就當幫你哋沖喜

一次過 一個我可以KO幾個

一鑊過 一個對幾個我未驚過

聽歌聽邊個邊個 又話識邊個邊個

話呀邊個邊個勁過我 究竟邊個系邊個

我未聽過你係邊個 咁呀邊個邊個你有冇聽過我

你冇聽過我 冇過我嘅歌 唔知我邊個

講你知喺香港講Flow冇邊個可以癲過我

喂 你夠未 玩夠未 夠皮未

仲未夠皮 由你繼續扮馬騮

繼續耍你馬騮戲 話你似馬騮 驚你嬲

你似未夠喉 想唱多幾首 我即刻耍手擰頭

你話想要個理由 我淨系要你走

你唔走我走 我受夠 你出聲 我冇鞋挽屐走

你再出聲我單挑你同你只揪 讓你一隻手

一隻左手足夠 我要你慘敗喺我手

誰人來恨我 來憎我

誰人討厭我 在我背後開火

誰人來恨我 來憎我

無人可阻止我唱我有貨唱這歌

誰人來恨我 來憎我

誰人討厭我 在我背後開火

誰人來恨我 來憎我

無人可阻止我唱我有貨唱這歌

Hater系Hater

Hate the game, don't hate the player

講到自己代表地下 你咁渣我埋你喺地下

你咁渣丟地下嘅架 我媽媽你媽媽的地下

I born to be a rapper 單人匹馬就殺你哋全家

殺你哋全家邊使用劍 我啲Rap系殺他死

你啲Rap同我比 好似北韓同美國競賽軍備

永遠都冇得比 永遠都系跟尾

連細路都睇穿你 得啲傻嘅先跟你

呢個世界得傻人先會欣賞你賞識你

你嘅存在功用只系即用即棄 鬼有人會識你

就算你幾俾心機 全部都只系嘥氣

有幾奇你同你嘅歌 好快就過氣俾人遺棄

由你Rap嗰日起 你嘅Rap同你一樣乏味

得你老細先得你 你啲歌太骨痹

CD機播你只碟都會 疾疾疾疾機

你一上台唱歌開口 昅昅昅昅住條脷

我習慣做人民公敵小圈子嘅特色

憎人貴厭人貧系佢哋嘅共識

到處都遍佈Haters嘅蹤跡

佢哋冇幾多功力 莫講話有幾多功績

你哋網上攻擊 冇一次一矢中的

每一次見你似曾相識

廢柴同盟冇你哋加盟略嫌失色

正義聯盟最出色 歡迎小人玩打擊

使乜假想敵 今日起呢個遊戲我打骰

誰人來恨我 來憎我

誰人討厭我 在我背後開火

誰人來恨我 來憎我

無人可阻止我唱我有貨唱這歌

誰人來恨我 來憎我

誰人討厭我 在我背後開火

誰人來恨我 來憎我

無人可阻止我唱我有貨唱這歌

你一早就過時 嗰啲衰過兒歌嘅歌詞

如果可以我寧願聽崖上的波兒

咁樣都系MC 有邊個唔可以

系人都可以自稱MC

系咁咦用iPhone拍又話最新MV

幾個貪得意又話搞牌子 搞唱片公司

最後得個搞字 自己搞唔掂 出嚟搞事

只只歌你都話幫邊個邊個埋單

闔把冷歌詞講到自己冷血到殺人唔眨眼

咪懶把炮充炮艇你充其量系只舢舨

以為痴住傻嘅老闆鹹魚翻生可以反彈

你嘅所謂最後殺手鐗 最多用嚟打手板

殺唔到人嘅殺手鐗 用嚟Rap住打側手翻

老翻Rapper屋企等開飯

想翻生咪又系玩埋欄 最後咪成班痴返呀大老闆

你咁老 難得仲咁有態度

你啲態度行一步退七步 講一套做一套

鬼咁識做抵你咁襟撈

衷心多謝你上次教我搞Show

下次咪咁燥 小心血壓爆煲

我啲Flow 要幾Flow 有幾Flow

我啲詞 要幾到 有幾到

你玩咗咁多年嘅始祖 點解仲喺起步

你都未起步 我距離個終點已經只差幾步

誰人來恨我 (來恨我) 來憎我 (來憎我)

誰人討厭我在我背後開火

誰人來恨我 (來恨我) 來憎我 (來憎我)

無人可阻止我唱我有貨唱這歌

誰人來恨我 來憎我

誰人討厭我 在我背後開火

誰人來恨我 來憎我

無人可阻止我唱我有貨唱這歌