娛樂零零狗

娛樂零零狗 - MC阿智

我渾身難受

我阿智 系度想問你地一個問題

系咪每間報館都會養住一班狗仔

肥佬話 落閘放狗叫佢地四圍走

收風挖料跟蹤影相仲要做埋賽車手

四圍飛 兩頭騰

閃燈閃到你頭暈

故仔越作越大

你地越睇越 high

尤其系 娛樂版

哥仔姐仔都俾佢玩

邊個有仔生

又幾時會去洗手間

系街邊 拮串魚蛋咁都可以上頭版

食提子 飲 d 水

俾 d 大哥咀一咀

北上偷食 系咪唔駛過關

四川湖南哈爾濱

乜都啱食埋殘廢餐

衰左 俾人影倒番黎耍手擰頭

一二三四五六七

都會見到你張大頭

網上投票全城公審

玩到你冇覺好訓

咁既報導 都算新聞 認真火滾

有 d 姐仔 烏低身谷胸俾人睇

佢想搏上位

搏宣傳 搏有老細啱駛

仲以為自己副 計

好似以前咁盞鬼

三十二 三十四 三十八

仲要生過仔

未埋位 咋咋帝棟起只腳兼露底

明知冇野睇

求下你唔好再黎

每個禮拜都有果 d 乜乜女優選拔賽

草龍鹽蛇老鼠甲

吞晒當食生菜

二打六 哥哥仔

生得都幾俊俏

專扮 d 公子哥兒師奶一見倒佢就笑

幕前冧盡人

幕後繫個大情人

上至闊太下至靚妹佢都個個電暈

喂 hey 老友

你究竟你 d 料堅定流

點解賓妹周太祥仔佢地睇晒抓晒頭

煲水吹水唔抹嘴

歌星藝人都怕左佢

見人就追

佢地個名叫狗仔隊